ប្រធានាធិបតីអាមេរិកលោក Joe Biden គ្រោងនឹងជួបជាមួយប្រធានាធិបតីអ៊ុយក្រែនលោក Volodymyr Zelensky នៅទីក្រុងហ៊ីរ៉ូស៊ីម៉ា ប្រទេសជប៉ុន នាថ្ងៃអាទិត្យនេះ ដោយបានគូសបញ្ជាក់អំពីការគាំទ្ររបស់សហរដ្ឋអាមេរិកសម្រាប់អ៊ុយ ក្រែន ខណៈដែលមន្ត្រីកំពូលរបស់សហរដ្ឋអាមេរិកបានលើកឡើងបន្ទាប់ពីកិច្ចប្រជុំកំពូលនៃ G7។
មន្ត្រីរដ្ឋបាលជាន់ខ្ពស់ម្នាក់បានប្រាប់អ្នកសារព័ត៌មានថា “យើងរំពឹងថាប្រធានាធិបតីរបស់សហរដ្ឋអាមេរិចនឹងមានកិច្ចប្រជុំទ្វេភាគី ជាមួយប្រធានាធិបតី Zelensky” ដោយបន្ថែមពីលើកិច្ចប្រជុំនឹងធ្វើឡើង “បន្ទាប់ពីម៉ោង 2 រសៀល”។
លោក Biden បាននិយាយថា “លោកនឹងបន្តអះអាងឡើងវិញនូវការគាំទ្រយ៉ាងមុតមាំ និងម៉ឺងម៉ាត់របស់សហរដ្ឋអាមេរិកសម្រាប់ប្រទេសអ៊ុយក្រែនក្នុងការឆ្ពោះទៅមុខ”។
មន្ត្រីរដ្ឋបាលជាន់ខ្ពស់រូបនេះបានចង្អុលទៅ “សេចក្តីថ្លែងការណ៍ដ៏មានអំណាចនៃការរួបរួម” ពីបណ្តាប្រទេស G7 ដែលឈរប្រឆាំងនឹងការឈ្លានពានរបស់រុស្ស៊ីមកលើអ៊ុយក្រែននៅក្នុងកិច្ចប្រជុំកំពូលនៅសប្តាហ៍នេះ រួមទាំងការដាក់ទណ្ឌកម្ម និង ការប្រកាសអំពី កិច្ចខិតខំប្រឹងប្រែងរួមគ្នា ដើម្បីបណ្តុះបណ្តាលអ្នកបើកយន្តហោះអ៊ុយក្រែនលើយន្តហោះ F-16 ដែលជាកិច្ចខិតខំប្រឹងប្រែង របស់ថ្នាក់ដឹកនាំនៃទីប្រឹក្សាសន្តិសុខជាតិអាមេរិក Jake Sullivan ។
នៅពេលសួរអំពីលទ្ធភាពដែលចិនដើរតួនាទីក្នុងការបញ្ចប់សង្រ្គាមរបស់រុស្ស៊ី មន្ត្រីរូបនេះបាននិយាយថា សហរដ្ឋអាមេរិកសង្ឃឹមថា ប្រធានាធិបតីចិន Xi Jinping ចាត់ទុកកិច្ចប្រជុំកំពូលនៅសប្តាហ៍នេះថាជាសញ្ញានៃ “ការដោះស្រាយ” ទៅចុះ។
យើងសង្ឃឹមថាប្រធានាធិបតី Xi Jinping (សាធារណៈរដ្ឋប្រជាមានិតចិន) មិនមានទឹកចិត្តលំអៀងទៅកាន់ភាគីណាមួយ ព្រោះថានៅពេលនេះ G7 បន្តនិយាយថាប្រទេសចិនអាចមានតួនាទីដ៏មានអត្ថន័យក្នុងការជួយបញ្ចប់សង្រ្គាមនេះបាន។
ហើយចំនែកលោក Biden ក៏ត្រូវបានគេរំពឹងថានឹងមានកិច្ចប្រជុំត្រីភាគីជាមួយប្រធានាធិបតីកូរ៉េខាងត្បូង Yoon Suk Yeol និងនាយករដ្ឋមន្ត្រីជប៉ុន Fumio Kishida នៅរសៀលថ្ងៃអាទិត្យនេះផងដែរ។ មន្ត្រីរូបនេះបានហៅទំនាក់ទំនងនេះថាជា«ទំនាក់ទំនងដ៏មានអាទិភាព»សម្រាប់លោក Biden។ ហើយមេដឹកនាំបីនឹងពិភាក្សាអំពីសន្តិសុខ សេដ្ឋកិច្ច និងប្រធានបទផ្សេងៗជាច្រើនទៀត។
សូមបញ្ជាក់ថា៖ G7 រួមមានប្រទេសប្រជាធិបតេយ្យឧស្សាហកម្មជឿនលឿនបំផុតរបស់ពិភពលោកដូចជា៖ សហរដ្ឋអាមេរិក បារាំង អាល្លឺម៉ង់ ចក្រភពអង់គ្លេស កាណាដា ជប៉ុន និងអ៊ីតាលី។ ទីក្រុងតូក្យូក៏បានអញ្ជើញមហាអំណាចសេដ្ឋកិច្ចដែលកំពុងកើនឡើងមួយចំនួនផ្សេងទៀត និងអ្នកក្នុងតំបន់ឱ្យចូលរួមក្នុងកិច្ចប្រជុំនេះទៀតផង។
តើការប្រជុំដ៏ធំមួយនេះ អាចជះឥទ្ធិពលទៅដល់សង្គ្រាមរុស្ស៊ី ហើយនិងអ៊ុយក្រែន បានដល់កម្រឹតណានោះ យើងនិងបន្ថែមបន្ទាប់ពីទទួលបាននូវទិន្ន័យជាក់លាក់ណាមួយនៅពេលបញ្ចប់នៃការប្រជុំមួយនេះ។
