ភ្លៀងធ្លាក់ខ្លាំងមិនឈប់ឈរបានបោកបក់ផ្នែកខ្លះនៃភាគនិរតីនៃប្រទេសចិនកាលពីថ្ងៃសុក្រ ដោយវាបានបង្ករឲ្យមានទឹកជំនន់នៅក្នុងទីក្រុងមួយចំនួន ហើយធ្វើឲ្យផ្លូវថ្នល់ និងអគារមួយចំនួនត្រូវបានទឹកលិច។
ការធ្លាក់ភ្លៀងនូវរដូវក្តៅដំបូងដែលគេបានស្គាល់ នៅក្នុងទីក្រុង Beihai ក្នុងខេត្ត Guangxi បានកំណត់ថាទឹកភ្លៀងមានកម្រឹត 453 មីលីម៉ែត្រ ហើយវាជាកំណត់ត្រាប្រចាំថ្ងៃក្នុងតំបន់សម្រាប់ខែមិថុនា នេះបើយោងតាមរដ្ឋបាលឧតុនិយមចិនកាលពីថ្ងៃព្រហស្បតិ៍ ។
មានវីដេអូផ្សព្វផ្សាយមួយនៅលើប្រព័ន្ធផ្សព្វផ្សាយសង្គមបានបង្ហាញថា ទឹកបានលិចរថយន្តអស់ពាក់កណ្តាល នៅលើផ្លូវដែលត្រូវបានជន់លិច ហើយអគារពហុជាន់ទីមួយ គឺមានទឹកហូរតាមជណ្តើរថែមទៀតផង។
ទូរទស្សន៍ CCTV បានរាយការណ៍ថា ទីក្រុង Yulin ក្បែរនោះមានភ្លៀងធ្លាក់ 35 ម៉ោង បើគិតត្រឹមម៉ោង 7 ព្រឹក ម៉ោងក្នុងស្រុក នៅថ្ងៃសុក្រ (2300 GMT ថ្ងៃព្រហស្បតិ៍) ។
ការិយាល័យអាកាសធាតុបានរាយការណ៍ថា ភ្លៀងត្រូវបានគេព្យាករណ៍ថានឹងបន្តនៅតំបន់ភាគខាងត្បូងនៃប្រទេសចិន ក្នុងរយៈពេលប៉ុន្មានថ្ងៃខាងមុខនេះ ខណៈដែលភាគឦសានក៏ត្រូវបានគេរំពឹងថានឹងរងការវាយប្រហារដោយព្យុះផ្គររន្ទះភ្លាមៗផងដែរ។
ប្រទេសចិន ដែលងាយនឹងមានទឹកជំនន់ កំពុងរងការព្រមានអំពីអាកាសធាតុកាន់តែខ្លាំងជាងមុនទៅទៀត ដោយសារតែការប្រែប្រួលអាកាសធាតុ។ ខេត្ត Guangxi ជាខេត្តមួយដែលជួបប្រទះគ្រោះរាំងស្ងួតដ៏កម្រមួយបើគិតត្រឹមខែឧសភានេះ ដោយទឹកភ្លៀងបានធ្លាក់ចុះក្នុងកម្រិតទាបបំផុតក្នុងរយៈពេល 60 ឆ្នាំកន្លងមកនេះ។
ខេត្តហឺណាន ភាគកណ្តាលនៃប្រទេសចិន ត្រូវបានវាយប្រហារដោយភ្លៀងធ្លាក់ខ្លាំង ដែលបណ្តាលឱ្យដំណាំដែលដុះពន្លក ត្រូវរងនូវការខូចខាតស្ទើរទាំងស្រុង ហើយវាបានបង្ករឱ្យមានការព្រួយបារម្ភអំពីសន្តិសុខស្បៀងនាពេលបច្ចុប្បន្ន និងអនាគត។
