ស៊ូដង់​ធ្លាក់​ចូល​ក្នុង​សង្គ្រាម​បន្ថែម​ទៀត ខណៈ​ដែល​ការទូត​កំពុង​មាន​បញ្ហា

ទីភ្នាក់ងារព័ត៌មានរ៉យទ័រ ថ្ងៃទី ១៤ ខែមិថុនា បានឲ្យដឹងថា បទឈប់បាញ់ រវាងបក្សពួកសង្រ្គាមរបស់ស៊ូដង់បានបង្ហាញពីឥទ្ធិពលដែលមានកំណត់។ ដោយហរដ្ឋអាមេរិក អារ៉ាប៊ីសាអូឌីត និងប្រទេសមហាអំណាចផ្សេងទៀត បានស្នើរឲ្យមានការបញ្ចប់ជម្លោះរយៈពេលពីរខែ ព្រោះសកម្មដែលពួកគេទាំងពីរក្រុមបានធ្វើ គឺកំពុងជំរុញឱ្យប្រទេសជាតិធ្លាក់ចូលទៅក្នុងគ្រោះមហន្តរាយ។

ទាំងកងទ័ព និងកងកម្លាំងប្រដាប់អាវុធឆ្លើយតបរហ័ស (RSF) ហាក់បីដូចជានៅឆ្ងាយ ពីការឈានទៅដល់ការចរចាបទឈប់បាញ់នៅទីក្រុង Jeddah  ។

មន្ត្រីអាមេរិចម្នាក់បាននិយាយថា ការចូលរួមក្នុងតំបន់ និងគាំទ្របន្ថែមពីលើកិច្ចពិភាក្សា របស់ប្រទេសអេហ្ស៊ីប ដែលមើលឃើញថាកងទ័ពជាការភ្នាល់ដ៏ល្អបំផុតសម្រាប់ប្រទេសជិតខាងដូចខ្លួន ហើយចំនែកឯប្រទេសអារ៉ាប់ក៏បានចូលរួមចំនែកក្នុងការគាំទ្រមេដឹកនាំ RSF នាពេលកន្លងមក ហើយទាំងអស់នេះអាចជាគន្លឹះនៃសង្គ្រាមមួយនេះដែលបានកើតឡើងមិនចេះចប់។

ស៊ូដុងគឺជាប្រទេសធំជាងគេទីបីរបស់ទ្វីបអាហ្រ្វិក ដែលមានប្រជាជនចំនួន 49 លាននាក់របស់ខ្លួន ហើយចំនួនជិត 2 លាននាក់បានភៀសខ្លួនចេញពីផ្ទះរបស់ពួកគេរួចរាល់នោះ គឺកំពុងតែប្រញាប់ប្រញាល់ឆ្ពោះទៅរកវិបត្តិមនុស្សធម៌កាន់តែស៊ីជម្រៅ ខណៈដែល ប្រទេសស៊ូដង់បានក្លាយទៅជាតំបន់សង្រ្គាម។

អ្នកវិភាគនយោបាយ លោក  Magdi El Gizouli របស់វិទ្យាស្ថាន Rift Valley បាននិយាយថា “គ្មាននរណាម្នាក់នឹងចរចាដោយស្មោះទេ រហូតដល់ពួកគេមានអារម្មណ៍ថាសមតុល្យយោធាលែងមានឱកាសផ្លាស់ទី” ។ 

“សក្ដានុពលផ្ទៃក្នុងនៃសង្រ្គាមនេះគឺហួសពីអ្វីដែលតួអង្គខាងក្រៅអាចមានឥទ្ធិពល”។

បន្ទាប់ពីបទឈប់បាញ់រយៈពេល 24 ម៉ោងចុងក្រោយបំផុតបានផុតកំណត់កាលពីថ្ងៃអាទិត្យ អ្នកស្រុកនៅក្នុងទីក្រុង Khartoum និងរដ្ឋធានីបានរាយការណ៍ពីការបាញ់កាំភ្លើងធំ និងការប៉ះទង្គិចគ្នា។ ពួក​គេ​បាន​និយាយ​ថា ការ​ប្រយុទ្ធ​គ្នា​កាន់​តែ​ខ្លាំង​ឡើង​តាំង​ពី​ដើម​ខែ​មិថុនាមកម្ល៉េះ។

សហរដ្ឋអាមេរិក និងអារ៉ាប៊ីសាអូឌីត ដែលស្ថិតនៅកាត់សមុទ្រក្រហមពីប្រទេសស៊ូដង់ បានឧបត្ថម្ភកិច្ចពិភាក្សានៅក្នុងទីក្រុងកំពង់ផែ Jeddah ប្រទេសអារ៉ាប៊ីសាអូឌីត។ ប៉ុន្តែរាល់បទឈប់បាញ់បណ្តោះអាសន្នត្រូវបានរំលោភរហូតមកដល់ពេលនេះ បើទោះបីជាភាគីទាំងពីរត្រូវរងការដាក់ទណ្ឌកម្មរបស់សហរដ្ឋអាមេរិកក៏ដោយ ។

សហរដ្ឋអាមេរិក និងអារ៉ាប៊ីសាអូឌីត ដែលស្ថិតនៅកាត់សមុទ្រក្រហមពីប្រទេសស៊ូដង់ បានឧបត្ថម្ភកិច្ចពិភាក្សានៅក្នុងទីក្រុងកំពង់ផែ Jeddah ប្រទេសអារ៉ាប៊ីសាអូឌីត។ ប៉ុន្តែរាល់បទឈប់បាញ់បណ្តោះអាសន្នត្រូវបានរំលោភរហូតមកដល់ពេលនេះ បើទោះបីជាភាគីទាំងពីរបាននិយាយថា ពួកគេប្តេជ្ញាចិត្តក្នុងការចរចា និងបើទោះបីជាមានការដាក់ទណ្ឌកម្មរបស់សហរដ្ឋអាមេរិក ក៏ដោយ ។

អ្នកការទូតដែលមានចំណេះដឹងអំពីកិច្ចពិភាក្សាបាននិយាយថា ដំណើរការនៃទីក្រុង Jeddah មានការរអាក់រអួលមួយផ្នែកដោយសារតែតួរអង្គបន្ទាប់ដូចជាអេហ្ស៊ីប ដែលមានអ្នកនយោបាយដែលបានក្លាយខ្លួនទៅជាអ្នកមានទួននាទី ហើយចំនែក UAE (សម្ព័ន្ធអារ៉ាប់រួម) ដែលមានទំនាក់ទំនងជាមួយមេបញ្ជាការ (RSF) Mohamed Hamdan Dagalo ដែលត្រូវបានគេស្គាល់ថា Hemedti  ។

អ្នកការទូតដែលមានមូលដ្ឋាននៅទីក្រុងគែរបាននិយាយថា វេទិកាថ្មីដែលដឹកនាំដោយសហភាពអាហ្រ្វិកមានគោលបំណងចងសម្ព័ន្ធភាពជាមួយរដ្ឋអារ៉ាប់ និងអាហ្រ្វិកនៅក្នុងដំណើរការនេះ រួមទាំងអេហ្ស៊ីប និងអេមីរ៉ាតអារ៉ាប់រួម បើទោះបីជាវាមិនច្បាស់ថាប្រទេសណាមួយត្រៀមខ្លួនរួចជាស្រេចដើម្បីដាក់សម្ពាធពិតប្រាកដក៏ដោយ។

បន្ថែមលើគំនិតផ្តួចផ្តើមសន្តិភាពត្រួតស៊ីគ្នា រវាងប្រធានាធិបតីកេនយ៉ាបាននិយាយកាលពីថ្ងៃអង្គារថា ក្រុមអាហ្វ្រិកមួយផ្សេងទៀតនៅក្នុងវេទិកា IGAD មានបំណងជួបជាមួយលោក Hemedti និងមេទ័ព Abdel Fattah al- Burhan ក្នុងរយៈពេល 10 ថ្ងៃខាងមុខក្នុងគោលបំណងដើម្បីបញ្ឈប់សង្គ្រាម។

លោក Mohamed Mokhtar ទីប្រឹក្សាជាន់ខ្ពស់របស់ Hemedti បាននិយាយថា RSF គាំទ្រដំណើរការ Jeddah និង AUE ហើយទាំងនេះគួរតែត្រូវបានពង្រីកដល់ភាគីស៊ីវិល ដើម្បីឈានដល់ “ដំណោះស្រាយដ៏ទូលំទូលាយ” ។

លោក Mohamed Mokhtar ទីប្រឹក្សាជាន់ខ្ពស់របស់ Hemedti បានប្រាប់រ៉យទ័រថា លោក Burhan មេបញ្ជាការកងទ័ពស៊ូដុង មិនអាចជាផ្នែកមួយនៃអាជ្ញាធរនាពេលអនាគតក្នុងប្រទេសស៊ូដង់នោះទេ។ ហើយលោក Hemedti ដែលគាត់បាននិយាយថានៅជាមួយកងកម្លាំងរបស់គាត់នៅលើសមរភូមិនឹង ក៏មិនមានតួនាទីនៅក្នុងនយោបាយដែរ ប៉ុន្តែលោកនឹងបន្តដឹកនាំ RSF ។