លោក Jungkook គឺជាសមាជិតម្នាក់នៅក្នុងក្រុមចម្រៀង K-pop BTS លោកបានប្រកាសកាលពីថ្ងៃសុក្រថា លោកនឹងទម្លាក់បទចម្រៀងទោលជាផ្លូវការដំបូងរបស់ខ្លួននៅក្នុងខែក្រោយ។
បើយោងតាមភ្នាក់ងាររបស់ក្រុម BigHit Music បានឲ្យដឹងថា បទដែលមានចំណងជើងថា “Seven” នឹងមកដល់នៅថ្ងៃទី 14 ខែកក្កដា វេលាម៉ោង 1 រសៀល។
តារាចម្រៀងរូបនេះបាននិយាយនៅលើ Weverse (គឺជាកម្មវិធីរៀបចំមាតិកាឥតគិតថ្លៃ)ថា វេទិកាសហគមន៍អ្នកគាំទ្រ K-pop របស់ Hybe គឺជាបទចម្រៀងរដូវក្តៅដ៏រស់រវើកមួយ ដែលអាចធ្វើឲ្យអ្នកគាំទ្រ BTS មានអារម្មណ៍ថាមាន ភាពទាក់ទាញពីសមាជិកក្រុមរូបនេះ។
លោក Jungkook ក៏បានបង្ហាញរូបភាពគម្របនៃឌីជីថលទោល ដែលមានចំណងជើងថា Seven” និងឈ្មោះភាសាអង់គ្លេសរបស់គាត់ ដែលត្រួតលើគ្នាជាមួយលេខ “7” នៅលើផ្ទៃខាងក្រោយពណ៌ស។
ហើយសម្រាប់ ការចេញផ្សាយនាពេលខាងមុខនឹងធ្វើឱ្យគាត់ក្លាយជាសមាជិកក្រុម BTS ទីប្រាំមួយក្នុងក្រុម BTS ដែលបង្ហាញខ្លួនជាលើកដំបូងក្នុងនាមជាអ្នកលេងភ្លេង បន្ទាប់ពី J-Hope, Jin, RM, Jimin និង Suga ។
តារាចម្រៀងវ័យ 26 ឆ្នាំរូបនេះ ក៏ធ្លាប់បានចេញបទចម្រៀងទោលចំនួនបី ដែលជាផ្នែកនៃឌីសស្កូបរបស់ BTS ផងដែរ រួមមាន ” Begin ” ក្នុងឆ្នាំ 2016 ” Euphoria ” ក្នុងឆ្នាំ 2018 និង ” My Time ” ក្នុងឆ្នាំ 2020 ដែលបទទាំងអស់នោះត្រូវបានដាក់នៅលើ តារាង Gaon Digital Chart របស់ប្រទេសកូរ៉េខាងត្បូង ។
លោក Jeon Jung-kook ក៏បានថតបទចម្រៀង ” Stay Alive ” សម្រាប់ webtoon 7Fates: Chakho ដែលមានមូលដ្ឋានលើ BTS ថែមទៀតផង ។ នៅក្នុងឆ្នាំ 2022 គាត់បានសម្តែងនៅលើបទចម្រៀងរបស់តារាចម្រៀងដ៏ល្បីឈ្មោះលើពិភពលោកមួយរូបរបស់សហរដ្ឋអាមេរិក គឺលោក Charlie Puth ដែលមានចំណងជើងថា ” Left and Right ” ដែលធ្វើឲ្យរូបលោកឡើងដល់លេខ 22 នៅលើតារាង Billboard Hot 100 របស់សហរដ្ឋអាមេរិក ។ ក្រោយមកទៀត”តារាចម្រៀងរូបនេះបានសម្តែងជាបន្តបន្ទាប់នៅក្នុង ពិធីបើកព្រឹត្តិការណ៍ FIFA World Cup ឆ្នាំ 2022 ។ ការបកស្រាយបទចម្រៀងទោលរបស់ Jungkook ក៏ទទួលបានជោគជ័យនៅលើវេទិកាស្ទ្រីមផងដែរ បទចម្រៀងទាំងអស់នោះមានចំណងជើងថា “Dreamers”, “Stay Alive” និង “Left and Right ” ដោយបទចម្រៀងនីមួយៗ ត្រូវបានបំបែកកំណត់ត្រាថាជាការគាំទ្រដ៏ខ្ពស់បំផុត ហើយក៏ជាបទចម្រៀងដំបូងគេ ពីអ្នកលេងភ្លេងកូរ៉េនៅលើតារាង Spotify Global ។
ក្រៅពីការច្រៀង លោក Jungkook ក៏បានជួយផលិតបទចម្រៀងចំនួនពីរបទសម្រាប់ BTS គឺ “Love is Not Over” ពីក្រុមតន្រ្តីដែល បានពង្រីក ឆ្នាំ 2015 ដែលគេហៅថា The Most Beautiful Moment in Life, Pt. 1 និង ចម្រៀងមួយបទទៀតដែលមានចំណងជើងថា “Magic Shop” ពីអាល់ប៊ុម Love Yourself: Tear ឆ្នាំ 2018 ហើយក្រុមតន្រ្តីរបស់លោកត្រូវបានគេ ផ្តល់កិត្តិយសជាអ្នកផលិតដ៏សំខាន់មួយសម្រាប់បទទាំងពីរផងដែរ។
នៅខែតុលា ឆ្នាំ 2018 លោក Jungkook ត្រូវបានតែងតាំងជាមួយមិត្តរួមក្រុមរបស់គាត់ជាមួយនឹង Hwagwan Order of Cultural Merit លំដាប់ទីប្រាំ(លំដាប់នៃគុណធម៌របស់កូរ៉េខាងត្បូង ក្នុងលេខរៀងទី ៥) ដោយអតីតប្រធានាធិបតីកូរ៉េខាងត្បូងលោក Moon Jae-in ។
ក្នុងខែកក្កដា ឆ្នាំ 2021 លោកជាមួយមិត្តរួមក្រុមរបស់គាត់ ត្រូវបានលោក Moon Jae-in តម្រូវឲ្យជួយ “ដឹកនាំរបៀបវារៈជាសកលសម្រាប់មនុស្សជំនាន់ក្រោយ” និង “ពង្រីកកិច្ចខិតខំប្រឹងប្រែងការទូតរបស់កូរ៉េខាងត្បូង ជាសកល” នៅក្នុងសហគមន៍អន្តរជាតិ។
