នៅថ្ងៃទី 28 ខែកក្កដា បើយោតាមសារព័ត៌មាន Reuters បានឲ្យដឹងថា ចៅក្រមតុលាការកំពូលរបស់សហរដ្ឋអាមេរិកដេលមានឈ្មោះថា Samuel Alito កាលពីថ្ងៃសុក្របានប្រកាសការបញ្ឈប់ជាបណ្តោះអាសន្នលើការសម្រេចរបស់តុលាការជាន់ទាប ក្នុងការលុបចោលបទប្បញ្ញត្តិ ដែលមានគោលបំណងរក្សាអាវុធដែលផលិតដោយឯកជន។ ហើយកាំភ្លើងប្រភេទត្រូវបានគេស្គាល់ថាជា “កាំភ្លើងខ្មោច” វាគឺមូលហេតុលំពិបាកសម្រាប់ការអនុវត្តច្បាប់ក្នុងការតាមដាន។
សកម្មភាពរបស់ Alito ដើម្បីគ្រប់គ្រងបញ្ហាគ្រាអាសន្ន ដែលកើតឡើងពីរដ្ឋមួយក្រុមរួមទាំងរដ្ឋតិចសាស់ បានបង្កកវិវាទប្រកបដោយប្រសិទ្ធភាព ខណៈដែលតុលាការថ្លឹងថ្លែងសំណើ កាលពីថ្ងៃព្រហស្បតិ៍ ពីរដ្ឋបាលរបស់ប្រធានាធិបតីលោក Joe Biden ដើម្បីអនុវត្តច្បាប់ឡើងវិញដោយរង់ចាំការប្តឹងឧទ្ធរណ៍។
Alito បានទុកសំណុំរឿងនេះរយៈពេលមួយសប្តាហ៍រហូតដល់ថ្ងៃទី៤ ខែសីហា ហើយបានទុកពេលឲ្យគូប្រជែងនៃច្បាប់រហូតដល់ថ្ងៃទី ២ ខែសីហា ដើម្បីឆ្លើយតបនឹងសំណើរបស់រដ្ឋបាល។
ខាងរដ្ឋបាលបានស្នើឱ្យតុលាការបញ្ឈប់ការសម្រេចទូទាំងប្រទេសរបស់ចៅក្រមសហព័ន្ធ ដែលមានមូលដ្ឋាននៅរដ្ឋតិចសាស់ ដែលបានធ្វើឱ្យមានសុពលភាពលើការរឹតបន្តឹងរបស់ក្រសួងយុត្តិធម៌ អំពីការលក់កញ្ចប់កាំភ្លើងខ្មោច ខណៈពេលដែលមានការប្តឹង ទៅសាលាឧទ្ធរណ៍ទី 5 របស់សហរដ្ឋអាមេរិក ដែលមានមូលដ្ឋាននៅទីក្រុង New Orleans ។
ផ្នែករដ្ឋបាលបានព្រមានថា ការអនុញ្ញាតឱ្យមានសេចក្តីសម្រេចរបស់ចៅក្រមអាចឈរជើងបាន លុះត្រែអនុញ្ញាតឱ្យមាន “លំហូរដែលមិនអាចផ្លាស់ប្តូរបាននៃកាំភ្លើងខ្មោច ហើយយើងក៏មិនអាចតាមដានបាន ព្រោះវាមានចំនួនច្រើនបានចូលទៅក្នុងសហគមន៍របស់ប្រទេស យើង” ។
ច្បាប់របស់ក្រសួងយុត្តិធម៌ដែលបានចេញក្នុងឆ្នាំ 2022 ដើម្បីកំណត់គោលដៅនៃការរីកសាយភាយយ៉ាងឆាប់រហ័សនៃអាវុធផលិតនៅផ្ទះបានហាមឃាត់ការ “ទិញឧបករណ៍បាញ់កាំភ្លើង” ដោយគ្មានលេខស៊េរី ដែលបុគ្គលមួយចំនួនអាចទទួលបានតាមអ៊ីនធឺណិតឬនៅហាងដោយគ្មានការត្រួតពិនិត្យផ្ទៃខាងក្រោយ។ ឧបករណ៍អាចត្រូវបានផ្គុំឡើងយ៉ាងងាយស្រួលឲ្យចូលទៅក្នុងកាំភ្លើងដើម្បីដំណើរការក្នុងរយៈពេលត្រឹមតែ 20 នាទី។
ច្បាប់នេះបានបញ្ជាក់ថា កាំភ្លើងខ្មោចមានលក្ខណៈសម្បត្តិគ្រប់គ្រាន់ជា “អាវុធ” ក្រោមច្បាប់គ្រប់គ្រងកាំភ្លើងសហព័ន្ធ ដែលតម្រូវឱ្យមានលេខស៊េរី និងអ្នកផលិតក៏ត្រូវតែមានអាជ្ញាប័ណ្ណផងដែរ។ អ្នកលក់កញ្ចប់ក៏ត្រូវតែមានអាជ្ញាប័ណ្ណ និងដំណើរការការត្រួតពិនិត្យផ្ទៃខាងក្រោយមុនពេលលក់។
ដើមបណ្តឹងជាច្រើន រួមទាំងម្ចាស់កាំភ្លើងពីរនាក់ និងក្រុមតស៊ូមតិសិទ្ធិកាំភ្លើងពីរនាក់ បានជំទាស់នឹងច្បាប់នេះនៅក្នុងតុលាការសហព័ន្ធក្នុងរដ្ឋតិចសាស់។
ចៅក្រមសហរដ្ឋអាមេរិក Reed O’Connor កាលពីថ្ងៃទី 5 ខែកក្កដា បានរារាំងច្បាប់ទូទាំងប្រទេស ដោយបានរកឃើញថារដ្ឋបាលលើសពីសិទ្ធិអំណាចរបស់ខ្លួនក្នុងការអនុម័តនូវច្បាប់មួយនេះ។
