អគ្គស្នងការនគរបាលជាតិនៃប្រទេសថៃ លោក តូសាក់ ស៊ុកវិម៉ុល កាលពីថ្ងៃអង្គារ បានអំពាវនាវដល់មន្ទីរពេទ្យទូទៅប៉ូលីស (PGH) ឱ្យដាក់របាយការណ៍សុខភាពដោយស្តីពីការព្យាបាលដែលខ្លួនកំពុងផ្តល់ជូនសម្រាប់អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា ដែលកំពុងតែជាប់ពន្ធនាគារនោះឲ្យបានច្បាស់លាស់ នេះបើយោងតាមការចុះផ្សាយរបស់កាសែតបាងកកប៉ុស្តិ៍កាលពីថ្ងៃទី ១៨ ខែតុលា ឆ្នាំ២០២៣។
ការអំពាវនាវរបស់អគ្គស្នងការនគរបាលជាតិមួយនេះបានកើតឡើងបន្ទាប់ពីមានរូបថតមួយសន្លឹកត្រូវបានផ្សព្វផ្សាយនៅក្នុងបណ្តាញសង្គមដែលបង្ហាញថា លោកថាក់ស៊ីន គឺនៅក្នុងឈុតសម្លៀកបំពាក់អ្នកជំងឺ ហើយធ្វើដំណើរឆ្ពោះទៅរកការស្កេនកុំព្យូទ័រ (CT)។
តាមរយៈរូបភាពមួយសន្លឹកដែលត្រូវបានផ្សព្វផ្សាយ វាបានធ្វើឲ្យក្រុមអ្នករិះគន់បាននិយាយថា វាអាចជារូបភាពដែលមានបំណងទាក់ទាញចំណាប់អារម្មណ៍ពីមហាលជន ដោយអ្នកបង្ហាញនោះចង់និយាយថា លោក ថាក់ស៊ីន នៅតែឈឺធ្ងន់ ហើយត្រូវការការព្យាបាលបន្ថែមទៀតនៅមន្ទីរពេទ្យនៅខាងក្រៅពន្ធនាគារ។
គួរបញ្ជាក់ថារូបថតមួយសន្លឹកនោះបានកើតឡើង ខណៈពេលលោក ថាក់ស៊ីន កំពុងតែសម្រាកព្យាបាលនៅក្រៅពន្ធនាគារ ម្យ៉ាងទៀតការសម្រាកព្យាបាលនោះវាបានផុតកំណត់ចំពោះរយៈពេល ៩០ ថ្ងៃ បើគិតត្រឹមថ្ងៃសុក្រ។
បច្ចុប្បន្ន លោក ថាក់ស៊ីន មានអាយុ ៧៤ ឆ្នាំ បានត្រឡប់មកប្រទេសថៃវិញនៅថ្ងៃទី ២២ ខែសីហា បន្ទាប់ពីបាននិរទេសខ្លួនឯង ១៥ ឆ្នាំ ហើយត្រូវបានកាត់ទោសឱ្យជាប់ពន្ធនាគារសរុប ៨ ឆ្នាំក្នុងសំណុំរឿងចំនួន ៣ បន្ទាប់មកក៏ត្រូវបានព្រះមហាលក្សត្រព្រះរាជទានទោស ដោយឲ្យលោកថាក់ស៊ីន ជាប់ពន្ធធនាគារត្រឹម១ឆ្នាំវិញ ។
បើទោះយ៉ាងណាក៏ដោយ គាត់ត្រូវបានគេបញ្ជូនចេញពីពន្ធនាគារបាងកក ទៅកាន់ PGH នៅយប់នោះ ក្រោមហេតុផលមួយថា សុខភាពរបស់គាត់មិនអំណោយផល។
តែកាលពីព្រឹកថ្ងៃអង្គារដើមសប្តាហ៍នេះ មានសកម្មជននយោបាយម្នាក់លោក Srisuwan Janya បានដាក់ញត្តិទៅក្រសួងយុត្តិធម៌ទាមទារឱ្យមានការស៊ើបអង្កេតលើការព្យាបាលរបស់លោកថាក់ស៊ីននៅ PGH ដើម្បីមើលថា តើក្នុងករណីរបស់អតីតនាយករដ្ឋមន្ត្រីរូវនេះ មានការបំពានច្បាប់កែរតម្រូវដែរឬអត់។
យើងខ្ញុំសូមបញ្ជាក់ថា បើទោះបីជារូបភាពនោះថតពីចំងាយក៏ដោយ ក៏អ្នករិះគន់អះអាងថា វាត្រូវបានថតឡើង ដោយទឹកមុខរបស់ លោក ថាក់ស៊ីន ហើយវាក៏មិនបានបិទបាំងអ្វីនោះដែរ យើងអាចនិយាយបានថារូបមួយសន្លឹកនោះគឺចង់បង្ហាញថាជារូបគាត់ ដើម្បីឱ្យមើលទៅហាក់ដូចជាអតីតនាយករដ្ឋមន្ត្រី នៅតែត្រូវការការថែទាំសុខភាព។
លោក Srisuwan បានកត់សម្គាល់ថា ទោះបីជាមានជំងឺជាបន្តបន្ទាប់របស់លោកថាក់ស៊ីន រួមទាំងជំងឺបេះដូង ជំងឺសួត ជំងឺលើសឈាម និងជំងឺសរសៃពួរក៏ដោយ ការសម្រាកព្យាបាលនៅមន្ទីរពេទ្យរបស់គាត់នៅ PGH គឺសុទ្ធសឹងតែអាចបំពានច្បាប់កែតម្រូវ ដោយច្បាប់មួយនោះបានចែងថា មានតែអ្នកទោសដែលទទួលរងការរិះគន់ ឬផ្លូវចិត្តប៉ុណ្ណោះ ទើបត្រូវបានអនុញ្ញាតឱ្យទទួលការព្យាបាលពិសេសនៅខាងក្រៅពន្ធនាគារ។
ចំពោះសំនួរចុងក្រោយដែល លោក Srisuwan Janya បានចោទសួរទៅកាន់ពន្ធធនាគារថា៖ ហេតុអ្វីបានជាលោក ថាក់ស៊ីន មិនត្រូវបានកាត់សក់ឱ្យខ្លី? ព្រោះវាគឺជាលក្ខខណ្ឌដែលតម្រូវតាមបទប្បញ្ញត្តិរបស់នាយកដ្ឋានកែតម្រូវ។
