តាមរយៈទីក្រុងឡុងដ៍ កាលពីថ្ងៃទី 25 ខែតុលា ឆ្នាំ២០២៣ បានឲ្យដឹងថា សង្គ្រាមរបស់អ៊ុយក្រែនអាចនឹងមិនអាចរលូតទៅតាមផែនការរបស់ពួកលោកខាងលិចនោះទេ ប៉ុន្តែលោកប្រធានាធិបតី វ្ល៉ាឌីមៀ ពូទីន នៅតែអះអាងថាសេដ្ឋកិច្ចរបស់រុស្ស៊ី កំពុងតែដំណើរការបានយ៉ាងល្អ ពោលគឺ “សេដ្ឋកិច្ចនៅក្នុងប្រទេសរបស់លោក គឺមានភាពប្រសើរជាងការរំពឹងទុកទៅទៀត“ ។ ការនិយាយដោយគ្មានអំណះអំណាងច្បាស់លាស់បែបនេះ វាប្រាកដជារឿងមិនធម្មតាសម្រាប់មេដឹកនាំវិមានក្រឹមឡាំងនោះទេ៖ បើយើងក្រឡែកមកមើលជាមួយនឹងទីផ្សារការងារដ៏តឹងតែង និងអតិផរណាដែលបង្ហាញពីសញ្ញានៃការថមថយនៃសេដ្ឋកិច្ចរុស្ស៊ី វារឿងមួយពិតណាស់ដែលកំពុងតែឡើងកំដៅខ្លាំងសម្រាប់លោក ពូទីន។
យ៉ាងណាមិញ ប្រសិនបើយើងក្រឡេកមើលពីលើផ្ទៃខាងក្រៅវិញម្តង អ្វីដែលមនុស្សជាច្រើនបានមើលឃើញនោះ វាច្បាស់ណាស់ថាអ្វីដែលមេដឹកនាំនៃប្រទេសរុស្ស៊ីបាននិយាយ គឺមានភាពមិនត្រឹត្រូវ។ បើយោងតាមអ្នកសង្កេតរបស់រ៉យទ័រ បានរាយការណ៍ថា លោកពូទីន បានផ្លាស់ប្តូរសេដ្ឋកិច្ចនៅក្នុងប្រទេសរបស់ខ្លួន ទៅជារបៀបផ្តល់ហិរញ្ញប្បទានសង្គ្រាមដ៏ពេញលេញ។ ត្រង់ចំនុចមួយនេះហើយដែលបញ្ជាក់ឲ្យឃើញថា លោក ពូទីន កំពុងរៀបចំផែនការសម្រាប់ជម្លោះដ៏យូរអង្វែង នៅក្នុងអ៊ុយក្រែនដែលរុស្ស៊ីបានឈ្លានពានចាប់តាំងពីក្នុងខែកុម្ភៈ ឆ្នាំ២០២២។
ប្រភពខាងលើបានឲ្យដឹងទៀតថា GDP របស់រុស្ស៊ីនឹងកើនឡើង 2.2% នៅឆ្នាំនេះ នេះបើយោងតាមការព្យាករណ៍ថ្មីៗបំផុតរបស់មូលនិធិរូបិយវត្ថុអន្តរជាតិ។ ហើយម្យ៉ាងវិញទៀត វាក៏ជាកំណើនមួយដែលលឿនជាងការរំពឹងទុករបស់តំបន់ចាយប្រាក់អឺរ៉ូរហូតដល់ទៅបីដងថែមទៀតផង ប្រសិនបើយើងធៀបនៅក្នុងឆ្នាំនេះដូចគ្នា។ ប៉ុន្តែប្រសិនបើយើងត្រលប់ក្រោយទៅកាន់ខែកុម្ភៈវិញនោះ ការព្យាករណ៍របស់ IMF បាននិយាយថារុស្ស៊ីនឹងកើនឡើង 0.7% នៅឆ្នាំ 2023 វាត្រូវបានគេវិនិច្ឆ័យយ៉ាងទូលំទូលាយថាមាន សុទិដ្ឋិនិយមខ្ពស់។ ម្យ៉ាងទៀតមូលហេតុចម្បងនៃការកើនឡើងរបស់រុស្ស៊ី ត្រូវបាន IMF ដឹងថា វាគឺជារឿងមួយគួរឱ្យភ្ញាក់ផ្អើលទៅវិញទេ ព្រោះថាការចំណាយប្រាក់ដែលបញ្ចេញដោយរដ្ឋាភិបាល ដែលបានបំបែកជាមួយនឹងប្រពៃណីដ៏យូរនៃ ការរឹតបន្តឹង ខាងផ្នែកសារពើពន្ធ ដើម្បីផ្តល់ហិរញ្ញប្បទានទៅជួយដល់ការធ្វើសង្រ្គាមរបស់ខ្លួននៅអ៊ុយក្រែនទៅវិញនោះ។
ថវិកាការពារជាតិរបស់រុស្ស៊ីបានកើនឡើងរហូតដល់ ឬស្មើនឹង 3.9% នៃផលិតផលក្នុងស្រុកសរុបក្នុងឆ្នាំនេះ ពី 2.7% ក្នុងឆ្នាំ 2021 ដែលជាឆ្នាំមុនធ្វើការលុកលុយលើប្រទេសអ៊ុយក្រែន។ យ៉ាងណាមិញ សម្រាប់សេដ្ឋកិច្ចនៅក្នុងប្រទេសមួយនេះវាក៏អាចនឹងកើនឡើងជាង 70% នៅឆ្នាំ 2024 ដែលឈានដល់ប្រហែល 6% នៃ GDP នេះបើយោងតាមផែនការផ្លូវការរបស់រតនាគារជាតិ។ ហើយចំនែកឯប្រភេទនៃការចំណាយសង្រ្គាមផ្សេងទៀត ដូចជាការសាងសង់ថ្មីនៅក្នុងទឹកដីដែលខ្លួនបានកាន់កាប់ វាត្រូវបានរដ្ឋាភិបាលលាក់បាំងនៅក្នុងផ្នែកផ្សេងទៀតនៃថវិកាជាតិទាំងមូល។
កិច្ចខិតខំប្រឹងប្រែងសង្រ្គាមកំពុងប្រមូលផ្តុំធនធានសាធារណៈលើវិស័យយោធា-ឧស្សាហកម្មដែលសម្បូរទៅដោយអំពើពុករលួយ។
អាទិភាពផ្នែកយោធាក៏កំពុងថ្លឹងថ្លែងលើផ្នែកផ្សេងទៀតនៃឧស្សាហកម្មដោយការកៀងគរធនធានមនុស្ស រួមចំណែកដល់ទីផ្សារការងារដ៏តឹងតែង។ ខណៈដែលអត្រាគ្មានការងារធ្វើបានធ្លាក់ចុះដល់កម្រិតទាបបំផុត 3% ក្នុងខែសីហា – ព្រោះអត្រាមួយនេះវាមិនដែលធ្លាប់ទាបជាង 4.4% នោះទេ បើយើងធៀបមុនពេលសង្រ្គាម។
ប្រភពខាងលើបានឲ្យដឹងទៀតថា បុរសនៅក្នុងប្រទេសរុស្ស៊ីជាង 300.000 នាក់ត្រូវបានកេណ្ឌសម្រាប់សង្គ្រាមនៅអ៊ុយក្រែន។ វាគឺជាកក្កតាដែលនាំឲ្យនិយោជកបានត្អូញត្អែរអំពីកង្វះខាតបុគ្គលិក ហើយអ្វីដែលកាន់តែធ្ងន់ធ្ងរជាងនោះទៅទៀត សូម្បីតែនៅក្នុងឧស្សាហកម្មដូចជា វាយនភណ្ឌ ដោយមានទំនាក់ទំនងតិចតួចទៅនឹងម៉ាស៊ីនសង្រ្គាម ក៏ខ្វះខាតបុគ្គលិកដូចគ្នា។
ដំណើរការដ៏ល្អរបស់សេដ្ឋកិច្ចរុស្ស៊ី វាក៏ត្រូវបានជួយដោយការសម្របខ្លួនបន្តិចម្តងៗទៅនឹងទណ្ឌកម្មរបស់លោកខាងលិចផងដែរ។ ដោយខាងទីក្រុងមូស្គូបានរកឃើញនូវចន្លោះប្រហោង និង ផ្លូវ ពាណិជ្ជកម្មថ្មី ដើម្បីនាំចូលសមាសធាតុហាមឃាត់ដែលត្រូវបាននាំចេញដំបូងដោយអឺរ៉ុបទៅកាន់ប្រទេសផ្សេងទៀតជំនួសវិញ ជាឩទាហរណ៍ដូចជាការប្តូរពី ផ្នែកអាកាសចរណ៍ ដែលឆ្លងកាត់ប្រទេសលីទុយអានី រហូតដល់មីក្រូឈីប គឺត្រូវឆ្លងកាត់តាមកាហ្សាក់ស្ថានវិញ។ ទន្ទឹមនឹងនេះដែរ ការកើនឡើងនៃតម្លៃប្រេង ដែលកើនឡើងជិត 60% ចាប់តាំងពីកម្រិតទាបនៃខែមីនារបស់ពួកគេ កំពុងផ្តល់នូវការស្វាគមន៍ផ្នែកសេដ្ឋកិច្ចមួយចំនួន និងប្រាក់ចំណូលដែលត្រូវការច្រើនសម្រាប់រដ្ឋាភិបាល។ ឥឡូវនេះលោកពូទីននិយាយថា ឱនភាពថវិកានឹងមានត្រឹមតែ 1% នៃផលិតផលក្នុងស្រុកសរុបក្នុងឆ្នាំនេះ ដែលជាការប៉ាន់ស្មានរបស់រដ្ឋាភិបាលមុនពាក់កណ្តាល ដោយសារពន្ធប្រេង និងឧស្ម័ន។
តាមពិតទៅទីផ្សារការងារមានការតឹងតែង ក៏ដោយសារតែការធ្វើចំណាកស្រុករបស់កម្មករដែលមានសមត្ថភាពបន្ទាប់ពីការឈ្លានពានអ៊ុយក្រែនផងដែរ។ ព្រោះបើយោងតាមការប៉ាន់ប្រមាណដោយ Re: Russia ដែលជាការបោះពុម្ពផ្សាយឯករាជ្យបានបង្ហាញថា ជនជាតិរុស្សីចន្លោះពី 800,000 ទៅ 900,000 នាក់បានចាកចេញពីប្រទេសចាប់តាំងពីខែកុម្ភៈ ឆ្នាំ 2022។ ម្យ៉ាងវិញទៀតពួកគេទាំងនោះគឺសុទ្ធសឹងតែជាកម្មករដែលមានជំនាញខ្ពស់ភាគច្រើន ជាពិសេសនៅក្នុងឧស្សាហកម្មបច្ចេកវិទ្យា និងបុគ្គលិកនៃក្រុមហ៊ុន ឬអង្គការដែលមានមូលដ្ឋាននៅបរទេសស្រាប់ អ្វីទាំងនោះហើយ វាធ្វើឲ្យប៉ះពាល់ដល់សក្ដានុពលនៃកំណើនសេដ្ឋកិច្ច។
ការគំរាមកំហែងទីពីរគឺប្រាក់រូប្លបានហើម។ មានន័យថារូបិយប័ណ្ណរុស្ស៊ីបានធ្លាក់ចុះ 30% បើគិតចាប់តាំងពីវាមានតម្លៃខ្ពស់ក្នុងខែមករា។ ការធ្លាក់ចុះយ៉ាងកំហកបានកើនឡើងចាប់តាំងពីការបះបោរនៅខែមិថុនារបស់អតីតសម្ព័ន្ធមិត្តរបស់លោកពូទីន គឺលោក Yevgeny Prigozhin និងទាហ៊ានស៊ីឈ្នួល Wagner របស់គាត់។ ធនាគារនៃប្រទេសរុស្ស៊ីមិនអាចទប់ស្កាត់ការធ្លាក់ចុះនេះបានទេ សូម្បីតែបន្ទាប់ពីបានដំឡើងអត្រាការប្រាក់សំខាន់របស់ខ្លួនពី 7.5% ទៅ 13% នៅឆ្នាំនេះក៏ដោយ។
ធនាគារកណ្តាលរបស់រុស្ស៊ីកំពុងប្រើប្រាស់គោលនយោបាយរូបិយវត្ថុ ដើម្បីទប់ទល់នឹងគោលនយោបាយសារពើពន្ធដែលពង្រីកដោយរដ្ឋាភិបាល។ ប៉ុន្តែបើទោះជាយ៉ាងនេះក្តី អត្រានៃអតិផរណាឥឡូវនេះ កំពុងដំណើរការក្នុងអត្រាប្រចាំឆ្នាំរហូត 6% ឬក៏អាចឈានដល់ 7% ក្នុងប៉ុន្មានខែខាងមុខនេះថែមទៀតផង។ ធនាគារនៃប្រទេសរុស្ស៊ីបានទប់ទល់នឹងការគ្រប់គ្រងមូលធនយ៉ាងយកចិត្តទុកដាក់។ តែវាក៏នៅតែមិនបានរារាំងរដ្ឋាភិបាលពីការសម្រេចចិត្តនៅថ្ងៃទី 13 ខែតុលាថាក្រុមហ៊ុននាំចេញធំៗ 43 នឹងត្រូវ បង្ខំ ឱ្យដាក់ប្រាក់ 80% នៃប្រាក់ចំណូលរូបិយប័ណ្ណបរទេសរបស់ពួកគេជាមួយធនាគាររុស្ស៊ី ហើយបន្ទាប់មករដ្ឋាភិបាលក៏បំប្លែងវា 90% នៃចំនួននោះទៅជាប្រាក់រូប្លែ ដែលជាវិធានការមួយដ៏អស់សង្ឃឹមចំនួនពីរ ដែលត្រូវបានរចនាឡើងដើម្បីជំរុញរូបិយប័ណ្ណ ខណៈពេលដែលតម្រូវការបានធ្លាក់ចុះសម្រាប់រូបិយប័ណ្ណរូប្ល។
បច្ចុប្បន្នរដ្ឋាភិបាលនៃប្រទេសរុស្ស៊ីបានធ្វើការដាក់ទណ្ឌកម្ម និងឧបសគ្គផ្សេងទៀតៗជាច្រើន ដោយសារតែប្រទេសមួយនេះ ត្រូវបានបិទគេបិទពីពិភពលោកទាំងមូល ទើបធ្វើឲ្យទីក្រុងម៉ូស្គូកាន់តែរឹតបន្តឹងការក្តោបក្តាប់របស់ខ្លួនលើសេដ្ឋកិច្ចក្នុងស្រុក។
ទីមួយរដ្ឋបានរឹបអូសទ្រព្យសម្បត្តិរបស់ក្រុមហ៊ុនបរទេស ដែលចាកចេញពីប្រទេសរុស្ស៊ីដូចជាក្រុមហ៊ុនអាហារបារាំង Danone (DANO.PA) និង ក្រុមភេសជ្ជៈដ៏ធំរបស់ដាណឺម៉ាក Carlsberg (CARLb.CO) ជាដើម។
បន្ទាប់មកទៀតប្រទេសមួយនេះ ក៏ចាប់ផ្តើមបង្កើតនូវអំពើពុករលួយដ៏សម្បូរបែប ដោយជាការចាប់ផ្តើមនៃការបង្កើនទិដ្ឋភាពនៃភាពគ្មានប្រសិទ្ធភាពដ៏ច្រើននៅក្នុងវិស័យឧស្សាហកម្ម និងធនាគារ។
យ៉ាងណាមិញការរំពឹងទុករបស់រុស្ស៊ីនៅពេល ដែលជាការចំណាយខាងយោធាបែរជាចាប់ផ្តើមធ្លាក់ចុះគឺវាពិតជារឿងមួយដែលធ្ងន់ធ្ងរខ្លាំងណាស់។ បើយើងគិតទៅលើការបង្រួញការវិនិយោគសាធារណៈនៅក្នុងសាលារៀន និងការអប់រំវិញនោះ វាក៏ដោយសារតែរដ្ឋាភិបាល លោក ពូទីន បានផ្តល់អាទិភាពឱ្យតែផ្នែកយោធាតែប៉ុណ្ណោះ នេះវាជាការបន្ថែមការបាត់បង់ផលិតភាពក្នុងរយៈពេលមធ្យម និងវែងនៃធនធានមនុស្សផងដែរ។ ហើយបើយើងធ្វើការប្រៀបធៀបនៅក្នុងប្រទេសដែលមានអត្រាមនុស្សចាស់វិញច្រើនវិញ តួរលេខបានបង្ហាញថានៅរុស្ស៊ីមានមនុស្សដែលអាចរស់នៅបានត្រឹមរយៈពេលប្រហែល 70 ឆ្នាំប៉ុណ្ណោះ បើប្រៀបធៀបទៅនឹងជាង 80 ឆ្នាំនៅអឺរ៉ុប 78 ឆ្នាំនៅក្នុងប្រទេសចិន និង 76 ឆ្នាំនៅសហរដ្ឋអាមេរិក – ហើយការកាត់បន្ថយការវិនិយោគនៅក្នុងប្រព័ន្ធសុខាភិបាលវានឹងធ្វើឱ្យប្រជាជនរបស់លោកពូទីន នឹងមានការភ័យខ្លាចលើប្រទេសរបស់ពួកគេកាន់តែធ្ងន់ធ្ងរឡើង។
បើយោងតាមការសិក្សាបានបង្ហាញថា អ្វីដែលកាន់តែអាក្រក់ជាងនេះទៅទៀតនោះ រុស្ស៊ីនឹងងើបចេញពីពេលបច្ចុប្បន្ន ក្នុងនាមជាអ្នកផ្តល់ហិរញ្ញវត្ថុដល់ប្រទេសជិតខាងដ៏ធំរបស់ខ្លួន។ តែការរីកចម្រើននៃសេដ្ឋកិច្ចនោះ វាបានកើតឡើងនៅក្នុងតម្លៃនៃការកើនឡើងមួយដែលជាការពឹងផ្អែកផ្នែកហិរញ្ញវត្ថុលើប្រទេសចិន។ ពាណិជ្ជកម្មរវាងប្រទេសទាំងពីរបាន កើនឡើង ខណៈក្រុងប៉េកាំងបានទិញប្រេងជាច្រើនដែលរុស្ស៊ីមិនអាចលក់ទៅឱ្យអឺរ៉ុបបាន។ បន្ទាប់មក ប្រាក់យន់ វាក៏បានដើរតួរជំនួសប្រាក់ដុល្លារ ព្រោះវាជាជម្រើសតែមួយគត់សម្រាប់ទីក្រុងម៉ូស្គូ។ ហើយអ្វីទាំងអស់នេះហើយ វាអាចបញ្ជាក់បានថា យូរៗទៅ ចិនក៏ក្លាយទៅជាអ្នកដែលមានឥទ្ធិពលបំផុត។
សេដ្ឋកិច្ចកំពុងបង្ហាញពីភាពតានតឹងរួចទៅហើយ ហើយ IMF រំពឹងថាកំណើន GDP នឹងធ្លាក់ចុះមកត្រឹម ១,១% នៅឆ្នាំក្រោយ។ លោកពូទីនអាចត្រូវបានគេល្បួងឱ្យធ្លាក់ចុះទ្វេដង និងបន្តការចំណាយ ជាពិសេសដោយសារតែគាត់នឹងស្វែងរកការបោះឆ្នោតឡើងវិញនៅឆ្នាំ 2024។ បើទោះបីជាមានការសង្ស័យតិចតួចអំពីលទ្ធផលក៏ដោយ ការចំណាយកាន់តែច្រើនលើប្រាក់សោធននិវត្តន៍ និងសេវាសង្គមនៅតែអាចជួយទប់ទល់នឹងជំហររបស់គាត់។ បើទោះជាយ៉ាងណាក៏ដោយ ការបង្ខំឱ្យសេដ្ឋកិច្ចដំណើរការក្នុងល្បឿនបច្ចុប្បន្ន វានឹងធ្វើឱ្យបញ្ហាដែលកំពុងតែកើតឡើងនាពេលបច្ចុប្បន្នកាន់តែធ្ងន់ធ្ងរឡើង ព្រោះវាគ្រាន់តែជាការពន្យារពេលនៃការធ្លាក់ចុះដ៏ធំ ដែលពួកគេបានបង្កឡើងតែប៉ុណ្ណោះ។
មូលនិធិរូបិយវត្ថុអន្តរជាតិបាននិយាយនៅក្នុងទស្សនវិស័យសេដ្ឋកិច្ចពិភពលោកខែតុលារបស់ខ្លួនថា សេដ្ឋកិច្ចរុស្ស៊ីនឹងកើនឡើង 2.2% នៅឆ្នាំ 2023។
តែជាក់ស្តែងរូបិយប័ណ្ឌរបស់ខ្លួនកំពុងជួញដូរនៅតម្លៃ 93 រូប្លទើបបានប្រាក់ដុល្លារ កាលពីថ្ងៃទី 24 ខែតុលា តួរលេខបានបង្ហាញថា វាបានធ្លាក់ចុះ 30% ពីតម្លៃខ្ពស់ក្នុងខែមករា។
ធនាគារកណ្តាលរុស្ស៊ីបាននិយាយកាលពីថ្ងៃទី 13 ខែតុលាថា អតិផរណាបានកើនឡើងដល់អត្រាប្រចាំឆ្នាំ 6% នៅក្នុងខែកញ្ញា ហើយបានព្យាករណ៍ថាវានឹងឈានដល់កម្រិតខ្ពស់បំផុតនៃការព្យាករណ៍ 6%-7% របស់ខ្លួនសម្រាប់ទាំងមូលនៃ 2023 ។
