ទីក្រុងឌូបៃបានប្រកាសថា ពួកគេមានរៀបចំគម្រោងមួយដើម្បីង្រីកទីផ្សារផ្លែឈើ និងបន្លែរបស់ខ្លួនឲ្យបានធំជាងគេបំផុតនៅក្នុងពិភពលោក នេះបើយោងតាមការចុះផ្សាយពី AGBI កាលពីថ្ងៃទី ១២ ខែកក្កដា ឆ្នាំ ២០២៤។
បើយោងតាមការរៀបរាប់ពីរដ្ឋមន្ត្រីរបស់អារ៉ាប់រួមលោកបានមានប្រសាសន៍ថា ផែនការរបស់លោកនាពេលនេះ គឺលោកមានបំណងចង់ឲ្យឌូបៃក្លាយទៅជាទីផ្សាកសិផលដ៏គួរឲ្យទុកចិត្តសម្រាប់ប្រជាជនខ្លួន ដោយក្នុងគឺមានមានតែការជួញដូរ បន្លែ ផ្លែឈើ និងអាហារដែលផលិតដោយកសិកររបស់យើងតែប៉ុណ្ណោះ។
លោកបានមានប្រសាសន៍បន្តទៀតថា ដើម្បីជាការរួមចំណែកដល់ការអភិវឌ្ឍប្រទេស ក្នុងនោះយើងត្រូវតែជួយបង្កើនទំហំឧស្សាហកម្ម និងដឹកជញ្ជូនដែលមានគុណភាពខ្ពស់ជាមុនសិន ហើយយើងក៏បានត្រៀមឃ្លាំងដើម្បីស្តុកទុកនូវផលិតផលទាំងនោះរួចរាល់ហើយផងដែរ។
តែបើទោះជាយ៉ាងណាក៏ដោយ ចំពោះនិន្នាការមួយនេះវាពិតជាត្រូវការរយៈពេលយូរ ជាពិសេសជាងនេះទៅទៀតនោះរាល់ក្រសួងដែលពាក់ព័ន្ធនីមួយៗគឺពួកគេត្រូវការពេលវេលាយូ ដើម្បីបណ្តុះបណ្តាលជំនាញដល់កសិករនៅតាមតំបន់ដាច់ស្រយ៉ាលជាច្រើនឲ្យពួកគាត់បានយល់ និងអាចអនុវត្តបានដោយប្រសិទ្ធិភាពខ្ពស់នោះ។
