ក្រសួងពាណិជ្ជកម្មថៃ បានចុះបង្រាបរាល់ទំនិញដែលមានគុណភាពអន់ (ទំនិញដែលនាំចូល)

ក្រសួងពាណិជ្ជកម្មថៃ បានដាក់ចេញនូវ​ផែនការទប់ស្កាត់ ការ​ហូរ​ចូល​នៃ​ទំនិញ​ក្រោម​ស្តង់ដារ ពោលគឺរាល់ទំនិញដែលមានតម្លៃ​ថោកជ្រុល​។

ការសែតបាងកកប៉ុស្តិ៍បានចុះផ្សាយកាលពីថ្ងៃទី ១៩ ខែវិច្ឆិកា ថា មានកសិករថៃជាច្រើនបានតវ៉ាជាសាធារណៈ ខណៈដែលនៅក្នុងទីផ្សាមានលក់ទំនិញដែលនាំចូលពាសពេញប្រទេស។

ដំណោះស្រាយជាបណ្តោះអាសន្ន ខាងអនុរដ្ឋមន្ត្រីក្រសួងពាណិជ្ជកម្ម លោក Napintorn Srisunpang បាននិយាយថា លោកនឹងបិទរាល់ការនាំចូល និង​ព្រមទាំងចុះបង្ក្រាបលើទំនិញបរទេសទាំងឡាយណាដែលមានគុណភាពអន់ថែមទៀតផង។

លោក Napintorn បាននិយាយបន្តទៀតថា រាល់អាជ្ញាធរដែលពាក់ព័ន្ធទាំងអស់ ត្រូវតែត្រួតពិនិត្យរាល់មុខទំនិញដែលនាំចូលឲ្យកាន់តែហ្មត់ចត់ ដើម្បីធានាថា វាជាទំនិញដែលសុវត្ថិភាព និងគុណភាពខ្ពស់។