តាមរយៈទីក្រុងហាណយកាលពីថ្ងៃទី ១៩ ខែវិច្ឆិកា បានឲ្យដឹងថា ការនាំចេញទំនិញរបស់វៀតណាមទៅកាន់ចក្រភពអង់គ្លេសបានកើនឡើងជាង 13% ឬស្មើនឹង 687.2លានដុល្លា ប្រសិនបើយើងប្រៀបធៀបកាលពីខែកញ្ញា។
វៀតណាមញូ បានឲ្យដឹងបន្តថា ក្នុងរយៈពេល 10 ខែចុងក្រោយនេះ ការនាំចេញរបស់ប្រទេសទៅកាន់ចក្រភពអង់គ្លេសគឺមានចំនួនជិត 6.4 ពាន់លានដុល្លារ។ ប្រភពមួយនេះបានឲ្យដឹងទៀតថា ប្រាក់ចំណូលដ៏ច្រើនសន្ធឹកសន្ធាប់នេះ គឺដោយសារតែ ក្នុងនោះវាបានមកពីការលក់ទំនិញដែលមានតម្លៃខ្ពស់ តួរយ៉ាងដូចជា ម៉ាស៊ីន គ្រឿងបន្លាស់ កុំព្យូទ័រ គ្រឿងអេឡិចត្រូនិក ស្បែកជើង និងវាយនភណ្ឌជាដើម។
គួរបញ្ជាក់ថា ការនាំចេញរបស់វៀតណាម ទៅកាន់អង់គ្លេសគឺបានកើនឡើងប្រមាណជា 22% ជារៀងរាល់ឆ្នាំ។ យ៉ាងណាមិញ ការចាប់យកដៃគូរពាណិជ្ជកម្មជាមួយសហរដ្ឋអាមេរិក និង ពួកលោកខាងលិចវាគឺជាគោលបំណងធំតែមួយគត់របស់រាជរដ្ឋាភិបាល។ វៀតណាមបានព្យាយាមស្វែងរកកិច្ចព្រមព្រៀងពាណិជ្ជកម្មសេរី ដែលចាប់ផ្តើមពីការបំពេញតាមបទដ្ឋានការងាររបស់អង្គការសិទ្ធមនុស្ស។ ការសម្រេចបានតាមបែបបទដែលពិភពលោកត្រូវការ វាក៏បានធ្វើឲ្យវៀតណាមបានឈានដល់ភាពជាដៃគូរជាមួយនឹងចក្រភពអង់គ្លេស (UKVFTA) ដែលចូលជាធរមានតាំងពីឆ្នាំ 2021។
យ៉ាងណាមិញ ការក្លាយទៅជាដៃគូរទ្វេភាគីវៀតណាម – អង់គ្លេស វាបានធ្វើឲ្យរដ្ឋាភិបាលវៀតណាមបានរំពឹងទុកថា ប្រាក់ចំណូលរបស់ខ្លួននឹងឈានដល់ 8.5 ទៅ 8.7 ពាន់លានដុល្លាសម្រាប់ឆ្នាំ 2024 នេះជាមិនខាន។
