ការនាំចេញរបស់ប្រទេសជប៉ុនក្នុងត្រីមាសទី 3 បានកើនឡើងប្រមាណ 3.1% បើធៀបនឹងរយៈពេលដូចគ្នាកាលពីឆ្នាំមុន កំណើនមួយនេះបានបញ្ជាក់ថា ជប៉ុនកំពុងតែស្ទុះងើបឡើងវិញ បន្ទាប់ពីខ្លួនធ្លាក់ចេញពីតំណែងលេខ 2 ក្នុងនាមជាប្រទេសដែលមានសេដ្ឋកិច្ចធំជាងគេនោះ។
បើយោងទៅតាមការវាស់វែងពីក្រុមអ្នកជំនាញរបស់ Reuters បានមើលឃើញថា សេដ្ឋកិច្ចជប៉ុនអាចនឹងកើនប្រហែល 2.2% នៅត្រីមាសបន្ទាប់។
យ៉ាងណាមិញ ចំពោះទិន្នន័យនៃការនាំចេញ វាត្រូវបានរដ្ឋាភិបាលជប៉ុនបានបង្ហាញរួចទៅហើយថា ប្រទេសរបស់ខ្លួននឹងក្លាយទៅជាអ្នកនាំចេញទៅកាន់តំបន់មជ្ឈិមបូព៌ាច្រើនជាងគេបំផុតនៅក្នុងពិភពលោក ដែលស្មើរនឹង 35.4% នៃការកើនឡើងសរុបរបស់ខ្លួន។
តែបើទោះជាយ៉ាងណាក៏ដោយ រាល់ប្រទេសដែលពឹងផ្អែកចម្បងទៅលើការនាំចេញគឺនៅតែមានហានិភ័យខ្ពស់បំផុត ជាពិសេសគឺបណ្តាលប្រទេសដែលនៅអាស៊ី។ ការជាប់ឆ្នោតរបស់ប្រធានាធិបតីថ្មីអាមេរិក វាត្រូវបានកាសែតធំៗអន្តរជាតិបានផ្សព្វផ្សាយជាហូរហែរថា លោក Trump នឹងតំឡើងពន្ធ និងកាន់តែរឹតបន្តឹងរាល់ការនាំចូលទាំងអស់ ហើយឥទ្ធិពលដ៏ធំនេះវា និងប៉ះពាល់ខ្លាំងដល់សេដ្ឋកិច្ចជប៉ុន ចិន និងថៃខ្លាំងជាងគេ។
