មួយថ្ងៃបន្ទាប់ពីប្រធានាធិបតីរុស្ស៊ី វ្ល៉ាឌីមៀ ពូទីន បានបាញ់មីស៊ីលផ្លោងរយៈចម្ងាយឆ្ងាយ (ICBM) នៅឯទីក្រុង Dnipro របស់អ៊ុយក្រែនជាលើកដំបូងរួចមក លោកបានប្រកាសទៀតថា រុស្ស៊ីក៏ត្រៀមនឹងបាញ់បង្ហោះកាំជ្រួចចម្ងាយមធ្យមថ្មីរបស់ខ្លួនមួយទៀតដែរ វាមានឈ្មោះថា Oreshnik។
តាមដានយើងតាមរយៈ Telegram CPN Daily
លោកពូទីនបាននិយាយរៀបរាប់ថា Oreshnik វាគឺជាមីស៊ីលផ្លោងដែលមានល្បឿនលឿនជាងសម្លេងរហូតដល់ទៅ 10 ដង ពោលគឺវាអាចរត់ក្នុងល្បឿនចន្លោះពី2.5 ទៅ3 គីឡូម៉ែត្រក្នុងមួយវិនាទី។
លោកពូទីន បាននិយាយបន្តទៀតថា ទីតាំងឧស្សាហកម្មយោធាដ៏សំខាន់មួយក្នុងទីក្រុង Dnipro ដែលជាកន្លែងផលិតកាំជ្រួច និងសព្វាវុធរបស់អ៊ុយក្រែននោះ វាអាចនឹងក្លាយទៅជាកន្លែងដែលលោកជ្រើសរើសយកមកបាញ់សាកល្បងមុនគេ។
