សង្គ្រាមក្នុងតំបន់មជ្ឈិមបូព៌ា វាបានធ្វើឲ្យសេដ្ឋកិច្ចរបស់ប្រទេសអេហ្ស៊ីបបានធ្លាក់ចុះជារៀងរាល់ឆ្នាំ ពោលគឺបន្ទាប់ប្រាក់ចំណូលដែលបានមកពីប្រឡាយព្រែកជី Suez បានធ្លាក់ចុះយ៉ាងគំហុក។
រាជរដ្ឋាភិបាលរបស់អេហ្ស៊ីប តែងតែប្រើប្រាក់ចំណូលរបស់រដ្ឋដែលបានមកពី ថ្លៃឆ្លងកាត់ព្រែកជីក Suez ដែលជាចំណូលមួយដ៏ធំ គឺច្រើនជាងពាក់កណ្តាលនៃចំណូលទាំងមូលរបស់ប្រទេស។ ជាធម្មតាថ្នាក់ដឹកនាំប្រទេសមួយនេះតែងតែយកវាទៅចំណាយលើការឧបត្ថម្ភធននៃថ្លៃប្រេងឥន្ធនៈ និងថ្លៃទំនិញមូលដ្ឋានដែលប្រជាជនខ្លួនប្រប្រាស់ប្រចាំថ្ងៃ ប៉ន្តែក្នុងរយៈជាងមួយឆ្នាំចុងក្រោយនេះការចំណាយទាំងនោះវាក៏ត្រូវបានកាត់បន្ថយ ហេតុដូច្នេះហើយទើបចំនួនអ្នកក្រីក្រនៅក្នុងអេហ្ស៊ីបានកើនឡើងយ៉ាងឆាប់រហ័សបែបនេះ។
តែបើទោះជាយ៉ាងនេះក្តី រាល់បញ្ហាវារមែងតែងមានដំណោះស្រាយ អេហ្ស៊ីបគឺជាប្រទេសមួយដែលបានរក្សាទុនបម្រុងរូបិយប័ណ្ណបរទេសដ៏រឹងមាំមួយ ម្យ៉ាងទៀតរាជរដ្ឋាភិបាលរបស់ប្រទេសមួយនេះ បានព្យាយាមក៏សាងទំនាក់ទង និងមានកាប្រាស្រ័យទាក់ទងយ៉ាងស្និទស្នាលជាមួយនឹង IMF និងវិនិយោគិនឈូងសមុទ្រជាច្រើន។
កាលពីថ្ងៃទី ២២ ខែវិច្ឆិកា AGBI បានសរសេររៀបរាប់ថា នៅក្នុងត្រីមាសទីបីនៃឆ្នាំ 2024 សេដ្ឋកិច្ចរបស់អេហ្ស៊ីគឺមានសន្ទុះ។ គឺនៅពេលដែលទីភ្នាក់ងារវាយតម្លៃធំៗទាំងបីរបស់ប្រទេសអេហ្ស៊ីប បានយល់ព្រមលើការសម្រេចចិត្តរបស់រដ្ឋាភិបាល ក្នុងការបញ្ចេញរូបិយប័ណ្ណបរទេសទៅក្នុងទីផ្សារ ដើម្បីជួយដល់ប្រាក់ជាតិមិនឲ្យហើម។
មិនត្រឹមតែប៉ុណ្ណោះ ការបញ្ចេញលុយបរទេសដែលជារូបិយប័ណ្ណរបស់ចក្រភពអង់គ្លេស (ផោន) លើកនេះ វាបានជួយឲ្យអេហ្ស៊ីបទទួលបាននូវអត្ថប្រយោជន៍ជាច្រើនពីលំហូរចូលនៃការផ្លាស់ប្តូររូបិយប័ណ្ណបរទេសយ៉ាងច្រើនពី IMF ក៏ដូចជាទាញយកការវិនិយោគពី Ras El Hekma ថែមទៀតផង។
