មន្ត្រីជាន់ខ្ពស់របស់ប្រទេសចិន បានបដិសេដនូវពាក្យចចាមរាមដែលនិយាយថា ចិនបានលក់ TikTok ទៅឲ្យមហាលសេដ្ឋី Elon Musk នោះគឺជារឿងមិនពិតនោះទេ នេះបើយោងតាមការចុះផ្សាយពី Bloomberg និង The Wall Street Journal នាថ្ងៃទី ១៤ ខែមករា ឆ្នាំ ២០២៥។
ចំពោះអ្នកដែលតាមដានពត៌មានពួកគេពិតជាបានដឹងរួចទៅហើយថា អតីតប្រធានាធិបតីរបស់សហរដ្ឋអាមេរិកលោក Joe Biden ធ្លាប់ស្នើសុំឲ្យស្ថាបនិករបស់ TikTok លក់កម្មវិធីមួយនេះមកឲ្យប្រទេសខ្លួន។ ប៉ុន្តែបើទោះជាបណ្តាញសង្គម TikTok មួយនេះត្រូវបិទនៅក្នុងប្រទេសមហាលអំណាចមួយនេះក៏ដោយ តែលោក Shou Zi Chew មិនព្រមលក់នោះឡើយ។
យ៉ាងណាមិញការវិលត្រឡប់របស់លោក Donald Trump គ្រប់យ៉ាងនូវតែបន្តអនុវត្តន៍ ហើយចំពោះការហាមឃាត់កម្មវិធី TikTok សភារបស់សហរដ្ឋអាមេរិកគ្រោងនឹងដាក់ចូលជាធរមានយ៉ាងយូបំផុតនៅថ្ងៃអាទិត្យនេះថែមទៀតផង។
គួរបញ្ជាក់ថា ប្រសិនបើ TikTok ត្រូវបានអាមេរិកហាមឃាត់ពិតមែននោះ ក្រុមហ៊ុន ByteDance និងបាត់បង់ចំណូលក្នុងមួយឆ្នាំយ៉ាងតិចក៏ 11 ពាន់លានដុល្លាដែរ។ បើយោងតាមការឆ្លើយតបពីអ្នកអ្នកនាំពាក្យរបស់ក្រុមហ៊ុន TikTok គាត់បានប្រាប់រ៉យទ័រថា “ពួកយើងមិនអាចឆ្លើយភ្លាមៗថា ពាក្យចចាមរាមខាងលើ វាគឺជារឿងប្រឌិតទាំងស្រុងនោះទេ” ។
សារមួយឃ្លានេះ វាបានចូលទៅអង្រួនចិត្តក្រុមអ្នកសារព័ត៌មានជាច្រើន ព្រោះពួកគេពិតជាចង់ដឹងណាស់ថា តើរឿងនេះមានហេតុផលនយោបាយឬយ៉ាងណា? ដើម្បីជាការស្រាយនៅចម្ងល់របស់មហាលជនជុំវិញពិភពលោកដែលកំពុងតែតាមដាន ខាង Newsweek បានទាក់ទងទៅ TikTok លោក Musk និងក្រសួងការបរទេសចិន តាមរយៈអ៊ីមែលសម្រាប់ធ្វើអត្ថាធិប្បាយផងដែរ។
