យោធាអ៊ីស្រាអែលកាលពីថ្ងៃចន្ទបាននិយាយថា ខ្លួនបានស្ទាក់ចាប់កាំជ្រួចរយៈចម្ងាយឆ្ងាយដែលបាញ់ចេញពីប្រទេសយេម៉ែន។ អ៊ីស្រាអ៊ែបាននិយាយទៀតថា រាល់កាំជ្រួចដែលបាញ់មកនោះគឺពួកគេមានគោលដៅតម្រុងមកលើទីក្រុងហ្សេរុយសាឡឹម នេះបើយោងតាមការចុះផ្សាយពី Euro News កាលពីថ្ងៃទី 25 ខែមីនា ឆ្នាំ 2025។
នៅពេលដែលខាងសហភាពអឺរ៉ុបបានប្រឆាំងនឹងការបន្តសង្គ្រាមនៅហ្គាហ្សា តែទន្ទឹមនឹងនោះក៏លេចចេញនូវពត៌មានថ្មីមួយទៀតកើតឡើង ដោយខាងអ៊ីស្រាអ៊ែលបានប្រកាសថា ស៊ីរ៉ែនបានរោលពេញទីក្រុងហ្សេរុយសាឡឹម គឺនៅពេលដែលមានសញ្ញាប្រកាសអាសន្នថា មានការវាយឆ្មក់តាមផ្លូវអាកាស។ គួរបញ្ជាក់ថា ការវាយប្រហារដែលអ៊ីស្រាអ៊ែលបានអះអាងនេះ គឺមិនមានភាពច្បាស់លាស់នោះទេ ព្រោះថាវាបានកើតឡើង នៅពេលដែលប្រធានគោលនយោបាយការបរទេសរបស់សហភាពអឺរ៉ុបលោកស្រី Kaja Kallas បានធ្វើទស្សនកិច្ចទៅកាន់ប្រទេសអ៊ីស្រាអែល និងធនាគារដែលកាន់កាប់ដោយអ៊ឺរ៉ុបកាលពីថ្ងៃចន្ទ ហើយវាក៏ជាកន្លែងដែលលោកស្រីបានជួបជាមួយមន្ត្រីអ៊ីស្រាអែល និងប៉ាឡេស្ទីនផងដែរ។
គួររំលឹកថា កាលពីក្នុងកំឡុងពេលដែលលោកស្រី Kaja Kallas បានជួបជាមួយទាំងមន្ត្រីអ៊ីស្រាអែល និងប៉ាឡេស្ទីន លោកស្រីក៏បានធ្វើសន្និសីទកាសែតជាមួយនៅទីក្រុងរ៉ាម៉ាឡានៅ West Bank នៃទីក្រុងរ៉ាម៉ាឡាថែមទៀតផង។ ក្នុងនោះលោកស្រីបាននិយាយថា ដោយសារតែគាត់បានទទួលសារជាច្រើនចេញពីតំបន់បជ្ឈិមបូព៌ា ហេតុដូច្នេះហើយឆ្លៀតក្នុងឪកាសនេះក្នុងនាមលោកស្រីដែលជាអ្នកតំណាងឲ្យសហភាពអឺរ៉ុប លោកស្រីនឹង “ប្រឆាំងយ៉ាងខ្លាំងក្លាចំពោះការបន្តសង្រ្គាមរបស់អ៊ីស្រាអ៊ែល”។ លោកស្រីបានបញ្ជាក់ទៀតថា “សាររបស់ខ្ញុំក្នុងអំឡុងពេលដំណើរទស្សនកិច្ចលើកនេះ អ្វីដែលអ៊ឺរ៉ុបចង់បានគឺសូមឲ្យអ៊ីស្រាអែលផ្តល់ជំនួយមនុស្សធម៌យ៉ាងពេញលេញឡើងវិញដល់ប្រជាជនដែលរស់នៅក្នុងតំបន់ហ្គាហ្សា ហើយការចរចាបទឈប់បាញ់ត្រូវតែបន្តឡើងវិញ”។
