ស្របពេលដែលសង្គ្រាមពាណិជ្ជកម្មរវាងអាមេរិកនិងចិនកំពុងតែកើនឡើង វាអាចនឹងបង្ករឲ្យមានផលប៉ះពាល់ស្ទើរតែពាសពេញពិភពលោក រួមទាំងតំបន់មជ្ឈិមបូព៌ា។ តំបន់ឈូងសមុទ្រវាត្រូវបានគេចាត់ទុកថា ជាក្រុមបណ្តាលប្រទេសដែលបានពឹងផ្អែកខ្លាំងលើការនាំចូលស្បៀងអាហារ ម្ល៉ោះហើយទើបថ្នាក់ដឹកនាំជាច្រើនក្នុងតំបន់មួយនេះបានរៀបចំវិធានការការពារ និងបង្កើនការប្រុងប្រយ័ត្នខ្ពស់ជាងមុន។
បើយោងទៅទិន្នន័យពីធនាគារពិភពលោកបង្ហាញថា កាលពីឆ្នាំ 2022 ការនាំចូលផលិតផលម្ហូបអាហារពីសហរដ្ឋអាមេរិកទៅកាន់ UAE បានធ្លាក់ចុះមកត្រឹម 6 ភាគរយ ពោលគឺធ្លាក់ចុះជិតពីរភាគបី ដោយថយចុះ 16 ភាគរយបើធៀបនឹងឆ្នាំ 2000 ។ ទន្ទឹមនឹងនោះ នៅព្រះរាជាណាចក្រអារ៉ាប៊ីសាអូឌីតវិញ ការនាំចូលចំណីអាហារពីសហរដ្ឋអាមេរិកក៏ថយចុះដូចគ្នាដែរ គឺរហូតដល់ទៅ 29 ភាគរយ។
ត្រឹមរយៈពេលមួយដ៏ខ្លី ប្រទេសទាំងពីរខាងលើនេះបានទប់ទល់នឹងការនាំចូលចំណីអាហារយ៉ាងមានប្រសិទ្ធភាព។ ខាងក្រសួងកសិកម្មរបស់ពួកគេបានផ្តល់ឪកាសឲ្យកសិកររបស់ខ្លួនបានរួចផុតពីសម្ពាធ ដោយផ្តល់ជូនប្រជាពលរដ្ឋរបស់ខ្លួនជាមួយនឹងតម្លៃជីនិងថ្នាំសម្លាប់សត្វល្អិតដ៏សមរម្យ ដែលអនុញ្ញាតឲ្យកសិករមានលទ្ធភាពពង្រីកការដាំដុះបានកាន់តែច្រើនជាងមុន។
ទីផ្សាក្នុងស្រុកវាជាដំណឹងមួយដែលល្អបំផុតសម្រាប់ កសិដ្ឋានតូចៗក៏មានលទ្ធភាពអាចពង្រីកអាជីវកម្មរបស់ពួកគេបាន តែផ្ទុយទៅវិញលទ្ធផលមួយនេះវាបានក្លាយទៅជារឿងដ៏អាក្រក់បំផុតសម្រាប់កសិករអាមេរិក ព្រោះពួកគេអាចប្រឈមមុខនឹងការធ្លាក់ចុះនៃតម្រូវការសម្រាប់ទិន្នផលរបស់ពួកគេ។
