អាជ្ញាធរអ៊ុយក្រែនបាននិយាយថា ប្រទេសរុស្ស៊ីបានបើកការវាយប្រហារតាមផ្លូវអាកាសថ្មីមួយ ទៅលើអ៊ុយក្រែនពេញមួយយប់ ហើយវាបានសម្លាប់មនុស្សម្នាក់នៅក្នុងការវាយលុករួមគ្នានៃកាំជ្រួច Cruise និងការវាយប្រហារដោយយន្តហោះគ្មានមនុស្សបើក។
យោធាអ៊ុយក្រែនបានរាយការណ៍ថាបានបាញ់ទម្លាក់មីស៊ីលចំនួន 4 គ្រាប់ក្នុងចំណោម 6 គ្រាប់ដែលត្រូវបានបាញ់ក្នុងអំឡុងពេលការវាយប្រហារ ដោយកងកម្លាំងអាកាសរបស់អ៊ុយក្រែនបាននិយាយថា ក្នុងរយៈពេលប្រហែល 6 ម៉ោង ពួកគេបានបាញ់ទម្លាក់ 10 ក្នុងចំណោម 16 នៃយន្តហោះគ្មានមនុស្សបើក។
ក្រសួងមហាផ្ទៃបាននិយាយថា មនុស្សម្នាក់ត្រូវបានសម្លាប់ បីនាក់ទៀតបានរងរបួស ហើយអគារចំនួនបួនត្រូវបានបំផ្លាញដោយការដួលរលំនៃកំទេចកំទី។
មានរូបភាពជាច្រើនបានបង្ហោះនៅលើកម្មវិធីផ្ញើសារ Telegram ដោយបង្ហាញពីសកម្មភាពរបស់អ្នកពន្លត់អគ្គីភ័យដែលចូលរួមក្នុងការពន្លត់ភ្លើងដែលបានឆេះយ៉ាងសន្ធោសន្ធៅ ដោយភាគច្រើនគេប៉ានស្មានថាគឺជាតំបន់លំនៅឋាន។
កងកម្លាំងការពារដែនអាកាសក៏បាននិយាយផងដែរថា ក្នុងអំឡុងពេលនៃការវាយប្រហារកាលពីល្ងាចថ្ងៃព្រហស្បតិ៍ កាំជ្រួច cruise ពីរគ្រាប់បានវាយប្រហារ ជាគោលដៅជាចម្បងរបស់គេនោះគឺ ក្នុងតំបន់ Cherkasy ភាគកណ្តាលអ៊ុយក្រែនដែលជាតំបន់មានជនស៊ីវិលរស់នៅច្រើន។
ចំនែកឯទីក្រុងមូស្គូក្នុងរយៈប៉ុន្មានសប្តាហ៍ថ្មីៗនេះ បានបង្កើនការវាយប្រហារតាមអាកាសជាទៀងទាត់ប្រឆាំងនឹងអ៊ុយក្រែន ខណៈដែលទីក្រុង Kyiv បានរៀបចំសម្រាប់ការវាយលុកដើម្បីព្យាយាមដណ្តើមយកទឹកដីដែលកាន់កាប់ដោយរុស្ស៊ីមកវិញ។
