ទីភ្នាក់ងារទិញសព្វាវុធរដ្ឋរបស់ទីក្រុងសេអ៊ូលបាននិយាយកាលពីថ្ងៃសៅរ៍ថា ប្រទេសកូរ៉េ និងប៉ូឡូញហាក់ដូចជាកំពុងពិចារណាលើគម្រោងរួមគ្នាមួយដើម្បីអភិវឌ្ឍរថពាសដែកដែលមានកង់។
យោងតាមទីភ្នាក់ងារនេះបានឱ្យដឹងថា មន្ត្រីរដ្ឋបាលការទិញការពារប្រទេស (DAPA) បានទៅទស្សនារដ្ឋ Polska Grupa Zbrojeniowa (PGZ) កាលពីចុងខែមុន ហើយបានពិភាក្សាអំពីការអភិវឌ្ឍន៍រួមគ្នានៃរថពាសដែកប្រភេទកង់ K808 របស់កងទ័ពកូរ៉េ ដែលមានឈ្មោះថា “Baekho” ។
ប្រទេសប៉ូឡូញបាននិងកំពុងបង្កើនកិច្ចខិតខំប្រឹងប្រែងទិញសព្វាវុធរបស់ខ្លួន នៅពេលដែលប្រទេសមួយនេះបានបញ្ជូនជំនួយយោធាទៅឱ្យអ៊ុយក្រែន បន្ទាប់ពីមានការឈ្លានពានរបស់ប្រទេសរុស្សី។
កាលពីឆ្នាំមុន ប្រទេសកូរ៉េខាងត្បូងបានចុះហត្ថលេខាលើកិច្ចព្រមព្រៀងសំខាន់ៗជាមួយប្រទេសប៉ូឡូញ ដើម្បីផ្គត់ផ្គង់ប្រព័ន្ធសព្វាវុធរបស់កូរ៉េ រួមទាំងរថក្រោះប្រយុទ្ធ K2 រថក្រោះបាញ់ដោយខ្លួនឯង K9 និងយន្តហោះវាយប្រហារធុនស្រាល FA-50។
