តាមការរាយការណ៍របស់ភ្នាក់ងារ bbc នៅថ្ងៃទី 29 ខែ កក្កដា ឆ្នាំ2023 បានឲ្យដឹងថា មានទាហ៊ានចំនួន ៤នាក់ កំពុងតែបាត់ខ្លួន បន្ទាប់ពីឧទ្ធម្ភាគចក្រយោធាមួយគ្រឿងបានធ្លាក់នៅឆ្នេរសមុទ្រ Queensland ក្នុងប្រទេសអូស្ត្រាលី។
ឧបទ្ទវហេតុនេះបានកើតឡើងអំឡុងពេលសមយុទ្ធហ្វឹកហ្វឺននៅពេលយប់ រវាងយោធាអូស្ត្រាលី និងសហរដ្ឋអាមេរិក នៅឯកោះ Lindeman កាលពីយប់ថ្ងៃសុក្រ។
រដ្ឋមន្ត្រីការពារជាតិរបស់ប្រទេសអូស្ត្រាលី លោក Richard Marles បាននិយាយថា បេសកកម្មស្វែងរក និងជួយសង្គ្រោះគឺត្រូវបានចាប់ផ្តើមភ្លាមៗ។
លោក Richard Marles បាននិយាយនៅក្នុងសន្និសីទសារព័ត៌មានមួយកាលពីព្រឹកថ្ងៃសៅរ៍ថា “នាវិកអាកាសទាំងបួននាក់មិនទាន់ត្រូវបានរកឃើញនៅឡើយទេ” ។
លោកគាត់បាននិយាយថា ឧទ្ធម្ភាគចក្រ MRH-90 Taipan បានធ្លាក់នៅជិតកោះនេះ ក្នុង Whitsundays នៅម៉ោងប្រហែល 22:30 ម៉ោងក្នុងស្រុក (12:30 GMT) ។
លោកបាននិយាយទៀតថា “ក្តីសង្ឃឹម និងការគិតរបស់យើងសម្រាប់អាកាសយានិក និងក្រុមគ្រួសាររបស់ពួកគេ”គឺពិតជាខ្លាំងក្លាណាស់ “យើងសង្ឃឹមយ៉ាងមុតមាំថា សម្រាប់ព័ត៌មានដែលយើងនឹងទទួលបាន វានឹងកាន់តែប្រសើរឡើងជាងក្នុងអំឡុងពេលនៃថ្ងៃនោះទៅចុះ” ។
លោកបានបន្តថា៖ «សម្រាប់លើកនេះ វាជាថ្ងៃដំបូងហើយដែលមានព័ត៌មានជាច្រើនបានចុះផ្សាយអំពីឧប្បត្តិហេតុនេះ»។
ថ្លែងនៅក្នុងសន្និសីទសារព័ត៌មានដដែលនោះ ប្រធានកងកម្លាំងការពារជាតិ Angus Campbell បាននិយាយថា វាជា “ពេលវេលាដ៏គួរឱ្យភ័យខ្លាច” ។
ដោយលោកបានមានប្រសាសន៍ថា “ការផ្តោតអារម្មណ៍របស់យើងនៅពេលនេះគឺការស្វែងរកប្រជាជនរបស់យើង និងការគាំទ្រដល់ក្រុមគ្រួសាររបស់ពួកគេ និងក្រុមដែលនៅសល់”។
ប្រធានកងកម្លាំងការពារជាតិ បាននិយាយថា លោកសូមកោតសរសើរចំពោះការគាំទ្រដែលផ្តល់ដោយទីភ្នាក់ងារស៊ីវិល ប៉ូលីស សាធារណៈជន និង “សម្ព័ន្ធមិត្តរបស់សហរដ្ឋអាមេរិក” ដើម្បីជួយដល់ប្រតិបត្តិការរុករក និងជួយសង្គ្រោះរហូតមកដល់ពេលនេះ។
យន្តហោះ MRH-90 Taipan បានធ្លាក់ចុះក្នុងអំឡុងពេលសមយុទ្ធ ដែលជាផ្នែកមួយនៃលំហាត់ Talisman Sabre ដែលជាសមយុទ្ធហ្វឹកហ្វឺនយោធាទ្វេភាគីដ៏ធំបំផុតរវាងអូស្ត្រាលី និងសហរដ្ឋអាមេរិក។
នៅពេលនេះផងដែរ មន្ត្រីការពារជាតិបានប្រកាសផ្អាកសមយុទ្ធ Talisman Saber ដែលរួមមានទាហ៊ានមកពីប្រទេសជប៉ុន បារាំង អាល្លឺម៉ង់ និងកូរ៉េខាងត្បូងផងដែរ។
ប្រធានកងកម្លាំងការពារជាតិ Angus Campbell បាននិយាយបន្ថែមថា “ខ្ញុំបានផ្តួចផ្តើមការផ្អាក X នៅទូទាំងប្រទេសអូស្ត្រាលីសម្រាប់អ្នកចូលរួមទាំងអស់នៃ Talisman Saber ដើម្បីឱ្យពួកគេទាំងអស់គ្នាមិនគិតពីជាតិសាសន៍របស់ពួកគេ ដើម្បីអនុញ្ញាតឱ្យគ្រួសាររបស់ពួកគេដឹងពីអ្វីដែលកំពុងកើតឡើង” ។
សមយុទ្ធនេះបានឈានចូលដល់សប្តាហ៍ទីពីររបស់ខ្លួនរួចរាល់ ហើយយើងកំពុងធ្វើតេស្តដឹកជញ្ជូនទ្រង់ទ្រាយធំ សម្រាប់ការប្រយុទ្ធលើដី ការចុះចតលើអាកាស និងប្រតិបត្តិការផ្លូវអាកាសជាដើម។
ពួកយើងបានរំពឹងថា សមយុទ្ធនេះនឹងបញ្ចប់ត្រឹមថ្ងៃទី 4 ខែសីហា។
ចំនែករដ្ឋមន្ត្រីការបរទេសអាមេរិក លោក Antony Blinken និងរដ្ឋមន្ត្រីក្រសួងការពារជាតិ Lloyd Austin បច្ចុប្បន្នកំពុងស្ថិតនៅក្នុងរដ្ឋ Queensland ដែលជាផ្នែកមួយនៃកិច្ចសន្ទនាថ្នាក់រដ្ឋមន្ត្រីអូស្ត្រាលី-អាមេរិក (AUSMIN) ប្រចាំឆ្នាំផងដែរ។
