យោងតាមរយៈការចុះផ្សាយរបស់ VOA កាលពីថ្ងៃទី 14 ខែ សីហា ឆ្នាំ 2023 បានឲ្យដឹងថា ក្នុងរយៈពេលជិត 18 ខែ បន្ទាប់ពីការចាប់ផ្តើមការលុកលុយយ៉ាងពេញលេញរបស់ប្រទេសរុស្ស៊ីទៅលើប្រទេសអ៊ុយក្រែន រដ្ឋាភិបាលរុស្ស៊ីកំពុងតែ ប្រឈមមុខនឹងបញ្ហាសេដ្ឋកិច្ចដ៏សំខាន់មួយ ដោយរូបិយប័ណ្ណរបស់ប្រទេសនេះ Ruble បានធ្លាក់ចុះតម្លៃនៅលើទីផ្សារពិភពលោក។
កាលពីថ្ងៃច័ន្ទ តម្លៃរូបិយប័ណ្ណបានពន្លឿនការធ្លាក់ចុះ ក្នុងរយៈពេលរាប់ខែបើធៀបនឹងរូបិយប័ណ្ណគោលដូចជាប្រាក់ដុល្លាររបស់សហរដ្ឋអាមេរិក។ ធនាគារកណ្តាលរុស្ស៊ីបានធ្វើកិច្ចប្រជុំបន្ទាន់មួយ សម្រាប់ថ្ងៃអង្គារថា អត្រាប្តូរប្រាក់គឺលើសពី 100 ruble ទើបទទួលបាន 1 ដុល្លារ ដែលជាការធ្លាក់ចុះប្រហែល 30% នៃតម្លៃ បើគិតចាប់តាំងពីដើមឆ្នាំ។
រុស្សីក៏បានបង្ហាញផងដែរថាសមតុល្យគណនីចរន្តរបស់ប្រទេស ដែលតាមដានតម្លៃទាក់ទងនឹងទំនិញ និងសេវាកម្មដែលបាននាំចេញ និងនាំចូលមកប្រទេសនេះ គឺបានធ្លាក់ចុះមកនៅត្រឹម 5.4 ពាន់លានដុល្លារ ក្នុងត្រីមាសទីពីរនៃឆ្នាំនេះ ដែលស្មើនឹង 93% នៃការធ្លាក់ចុះ ពីមួយឆ្នាំទៅមួយឆ្នាំ។ តួលេខនៃការធ្លាក់ចុះនេះ បានបង្ហាញពីការធ្លាក់ចុះយ៉ាងខ្លាំងនៃការនាំចេញ ហើយវាជាសញ្ញាដ៏អាក្រក់បំផុតសម្រាប់សេដ្ឋកិច្ច ដែលប្រទេសមួយនេះមានការពឹងផ្អែកភាគច្រើនលើការនាំចេញទំនិញដូចជា ឥន្ធនៈហ្វូស៊ីល និងគ្រាប់ធញ្ញជាតិជាដើម។
បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន បានចាប់ផ្តើមធ្វើការលុកលុយទៅលើប្រទេសអ៊ុយក្រែនទាំងស្រុងក្នុងខែកុម្ភៈ ឆ្នាំ 2022។ ភ្លាមៗនោះ ប្រទេសរុស្ស៊ី ត្រូវបានរងនូវការដាក់ទណ្ឌកម្មយ៉ាងច្រើនសន្ធឹកសន្ធាប់ ពីសម្ព័ន្ធភាពដ៏ទូលំទូលាយនៃបណ្តាលប្រទេស ដែលមានសេដ្ឋកិច្ចធំជាងគេលើពិភពលោក។
ការដាក់ទណ្ឌកម្មសេដ្ឋកិច្ចលើប្រទេសរុស្ស៊ីបានកើនឡើងជាបន្តបន្ទាប់ ជាពិសេសជាមួយនឹងការដាក់កម្រិតតម្លៃលើប្រេង និងឧស្ម័នរបស់រុស្ស៊ីនាពេលថ្មីៗនេះ។ ហើយរាល់ទណ្ឌកម្មដែលឲ្យមានផលលំបាកសម្រាប់ទីក្រុងម៉ូស្គូ ក្នុងការនាំចេញ គឺសុទ្ធសឹងតែជាទំនិញ ដែលរកចំណូលបានច្រើនបំផុតរបស់ខ្លួន។
ដើម្បីឆ្លើយតបទៅនឹងទណ្ឌកម្មអន្តរជាតិ និងតម្រូវការរបស់វិមានក្រឹមឡាំង រុស្ស៊ីកាន់តែព្យាយាមបន្តការឈ្លានពានរបស់ខ្លួនឲ្យកាន់តែខ្លាំងជាងមុនទៅទៀត។
បច្ចុប្បន្នរុស្ស៊ីបានចាត់វិធានការដើម្បីរៀបចំសេដ្ឋកិច្ចរបស់ខ្លួនឡើងវិញ ដោយឆ្ពោះទៅរកការគាំទ្រនៃកិច្ចខិតខំប្រឹងប្រែងនៃការបង្ករសង្រ្គាម។ ចំពោះលទ្ធផលនេះ គឺជាការផ្លាស់ប្តូរនៃសមត្ថភាពផលិតភាពដ៏សំខាន់ ដែលនៅឆ្ងាយពីផលិតកម្មដែលរកកម្រៃបានដោយពាណិជ្ជកម្ម និងឆ្ពោះទៅរកផ្នែករឹង និងសម្ភារៈយោធា។
នៅក្នុងអត្ថបទមួយ ដែលត្រូវបានសរសេរសម្រាប់អង្គការប្រព័ន្ធផ្សព្វផ្សាយ ដែលគ្រប់គ្រងដោយរដ្ឋាភិបាល Tass កាលពីថ្ងៃច័ន្ទបានឲ្យដឹងថា ជំនួយការប្រធានាធិបតីវិមានក្រឹមឡាំង លោក Maxim Oreshkin បានទទួលស្គាល់ថាការធ្លាក់ចុះនៃតម្លៃប្រាក់ ruble គឺជាបញ្ហាប្រឈមមួយ ប៉ុន្តែលោកនូវតែបានទទូចថាតម្លៃរូបិយប័ណ្ណនឹងងើបឡើងវិញយ៉ាងឆាប់រហ័ស។
លោក Maxim Oreshkin បានសរសេរថា “អត្រាប្តូរប្រាក់បច្ចុប្បន្នបានផ្លាស់ប្តូរយ៉ាងទូលំទូលាយពីកម្រិតមូលដ្ឋាន បើទោះបីជា វាត្រូវបានគេរំពឹងថានឹងធ្វើឱ្យមានលក្ខណៈធម្មតាពេលអនាគតដ៏ខ្លីក៏ដោយ”។ “ប្រាក់ ruble បានធ្លាក់តម្លៃ វាបានធ្វើឱ្យមានភាពស្មុគស្មាញដល់ការផ្លាស់ប្តូររចនាសម្ព័ន្ធរបស់សេដ្ឋកិច្ច និងជះឥទ្ធិពលអវិជ្ជមានដល់ប្រាក់ចំណូលប្រចាំគ្រួសារយ៉ាងពិតប្រាកដ។ លោកបានបន្តថា តម្លៃរូបិយប័ណ្ណដ៏រឹងមាំ គឺជាផលប្រយោជន៍នៃសេដ្ឋកិច្ចរុស្ស៊ី។
លោក Maxim Oreshkin ក៏បានស្តីបន្ទោសចំពោះ ធនាគារកណ្តាលរុស្ស៊ីថែមទៀតផង។
