ប្រទេសរុស្ស៊ីបាននិយាយនៅថ្ងៃសុក្រថា អ៊ុយក្រែនបានបាញ់មីស៊ីលមួយគ្រាប់ឆ្ពោះទៅកាន់ទីក្រុងមូស្គូ និងបានវាយប្រហារនៅក្នុងតំបន់គ្រីមៀ ជាមួយនឹងយន្តហោះគ្មានមនុស្សបើកចំនួន ៤២ គ្រឿង ដែលជាការវាយប្រហារតាមអាកាសដ៏ធំបំផុតមួយរបស់អ៊ុយក្រែន មកលើទឹកដីដែលគ្រប់គ្រងដោយរុស្ស៊ី នេះបើយោងតាមការចុះផ្សាយរបស់សារព័ត៌មានរ៉យទ័រកាលពីថ្ងៃទី 25 ខែសីហា ឆ្នាំ 2023។
ក្រសួងការពារជាតិរុស្ស៊ីបាននិយាយថា កាំជ្រួច S-200 ដែលបានកែប្រែត្រូវបានបាញ់ទម្លាក់ពីលើតំបន់ Kaluga ដែលមានព្រំប្រទល់ជាប់នឹងទីក្រុងមូស្គូ។ តំបន់ Kaluga មានចម្ងាយតិចជាង 200 គីឡូម៉ែត្រ (124 ម៉ាយ) ពីទីក្រុងម៉ូស្គូ។
ក្រសួងការពារជាតិបាននិយាយថា “មីស៊ីលត្រូវបានរកឃើញ និងបំផ្លាញដោយប្រព័ន្ធការពារដែនអាកាសលើទឹកដីនៃតំបន់ Kaluga” ។
អភិបាលក្រុង Kaluga លោក Vladislav Shapsha បាននិយាយថា ការវាយប្រហានេះ មិនបង្ករឲ្យមានអ្នករងរបួសនោះទេ។
ចំនែកឯខាងអ៊ុយក្រែនវិញមិនបានធ្វើអត្ថាធិប្បាយភ្លាមៗលើរបាយការណ៍នោះទេ ហើយស្ទើរតែមិនដែលអះអាងជាសាធារណៈចំពោះការទទួលខុសត្រូវលើការវាយប្រហារនៅក្នុងប្រទេសរុស្ស៊ី ឬលើទឹកដីដែលគ្រប់គ្រងដោយរុស្ស៊ី ដែលនៅក្នុងប្រទេសអ៊ុយក្រែននោះដែរ។
ក្រសួងការពារជាតិរុស្ស៊ីក៏បាននិយាយផងដែរថា គ្រីមៀ ដែលរុស្ស៊ីបានដណ្តើមយក និងបញ្ចូលក្នុងឆ្នាំ ២០១៤ ត្រូវបានវាយប្រហារដោយ យន្តហោះគ្មានមនុស្សបើកចំនួន 9 គ្រឿងត្រូវបានបំផ្លាញដោយកងកម្លាំងការពារដែនអាកាស ខណៈដែល 33 គ្រឿងទៀត ត្រូវបានធ្លាក់មកលើតំបន់គ្រីមៀ តែក៏មិនបានទៅដល់គោលដៅរបស់ពួកគេដែរ។
លោក Mikhail Razvozhayev អភិបាលក្រុងកំពង់ផែ Sevastopol ក្នុងតំបន់ Crimea ដែលដំឡើងដោយទីក្រុងម៉ូស្គូ បាននិយាយនៅលើកម្មវិធីផ្ញើសារ Telegram ថា យន្តហោះគ្មានមនុស្សបើកមួយចំនួនត្រូវបានបំផ្លាញនៅជាយក្រុង Sevastopol ។
ការរាយការណ៍នោះ មិនមានរបាយការណ៍អំពីអ្នកស្លាប់ ឬការខូចខាតពីការវាយប្រហារដែរ។ ក្នុងនោះផងដែរខាងអាកាសយានដ្ឋានរុស្ស៊ីដែលនៅជិតទីក្រុងមូស្គូបានផ្អាកជើងហោះហើរពីរទៅបីម៉ោង។
ការវាយប្រហារនេះ គឺជាការវាយប្រហារចុងក្រោយបង្អស់ក្នុង ការកើនឡើងនៃ ឧប្បត្តិហេតុស្រដៀងគ្នានេះ ចាប់តាំងពីយន្តហោះគ្មានមនុស្សបើកពីរគ្រឿង ត្រូវបានបំផ្លាញពីលើវិមានក្រឹមឡាំងកាលពីដើមខែឧសភា។
អ៊ុយក្រែនបាននិយាយថា ការបំផ្លាញហេដ្ឋារចនាសម្ព័ន្ធយោធារបស់រុស្ស៊ីជួយដល់ការវាយលុកជាងទីក្រុង Kyiv ដែលបានចាប់ផ្តើមកាលពីខែមិថុនា។ ប្រធានាធិបតីអ៊ុយក្រែន លោក Volodymyr Zelenskiy បានប្រាប់ សន្និសីទអន្តរជាតិមួយនៅសប្តាហ៍នេះថាទីក្រុង Kyiv នឹង “ដកហូត” Crimea យកមកវិញ ។ តែរុស្ស៊ីបង្ហាញសញ្ញាមិនចាកចេញពីគ្រីមៀនោះទេ។
ប៉ុន្តែចារកម្មយោធាអ៊ុយក្រែន បាននិយាយថា ខ្លួនបានជួយកងទ័ពជើងទឹកក្នុងសប្តាហ៍នេះនៅក្នុង “ប្រតិបត្តិការពិសេស” ដែលក្នុងនោះពួកគេបានចុះចតអង្គភាពនៅភាគខាងលិចនៃគ្រីមៀ ដោយមានការបាញ់ប្រហារជាមួយកងកម្លាំងរុស្ស៊ី ជាមួយនឹងការលើកទង់ជាតិរបស់អ៊ុយក្រែន។
បេសកកម្មនេះ មិនត្រូវបានបញ្ជាក់ដោយរុស្ស៊ី បានធ្វើឡើងស្របគ្នានឹងថ្ងៃបុណ្យឯករាជ្យរបស់អ៊ុយក្រែន ហើយមានគោលបំណងបង្ហាញថា កងកម្លាំងអ៊ុយក្រែនអាចធ្វើប្រតិបត្តិការជើងគោកនៅគ្រីមៀ ហើយឧបទ្វីបនេះមិនងាយរងគ្រោះឡើយ។ ចារកម្មយោធារបស់ប្រទេសអ៊ុយក្រែនក្នុងសប្តាហ៍នេះក៏បាន រាយការណ៍ថា មានចេតនាទាក់ទាញអ្នកបើកយន្តហោះយោធារុស្ស៊ីម្នាក់ឱ្យចុះចតឧទ្ធម្ភាគចក្រ Mi-8 របស់គាត់នៅឯអាកាសយានដ្ឋានអ៊ុយក្រែន។ រុស្ស៊ីមិនបានធ្វើអត្ថាធិប្បាយទេ។ ប៉ុស្តិ៍ Telegram ដ៏ពេញនិយមរបស់រុស្ស៊ី ឈ្មោះ Fighterbomber បាននិយាយថា ឧទ្ធម្ភាគចក្រមួយគ្រឿងបានបាត់ និងចុះចតដោយចៃដន្យទៅវិញ។
