ប្រព័ន្ធផ្សព្វផ្សាយរដ្ឋបានរាយការណ៍ថា ប្រធានាធិបតីចិនលោក Xi Jinping បានធ្វើទស្សនកិច្ចដ៏កម្រមួយទៅកាន់ Xinjiang កាលពីថ្ងៃសៅរ៍ ហើយលោកបានអំពាវនាវដល់មន្ត្រីឱ្យរក្សា “ស្ថិរភាពសង្គមដែលយើងកំពុងតែពិបាកយកឈ្នះ” ជាពិសេសនៅក្នុងតំបន់ដែលមានបញ្ហា ជាឩទាហរណ៍ដូជជាទីក្រុងប៉េកាំងត្រូវបានចោទប្រកាន់ពីបទរំលោភសិទ្ធិមនុស្សយ៉ាងធ្ងន់ធ្ងរ នេះបើយោងតាមការចុះផ្សាយរបស់(AFP) កាលពីថ្ងៃទី 27 ខែសីហា ឆ្នាំ2023 ។
រដ្ឋាភិបាលចិនបានបន្តយុទ្ធនាការរយៈពេលវែងជាច្រើនឆ្នាំ ដើម្បីប្រឆាំងនឹងអ្វីដែលខ្លួនបានពណ៌នាថា ជាអំពើភេរវកម្ម និងអ៊ីស្លាមជ្រុលនិយមនៅក្នុងតំបន់ភាគពាយ័ព្យ ដោយមានការឃាត់ខ្លួនជនជាតិ Uyghurs មួយចំនួនធំ និងជនមូស្លីមដទៃទៀតថែមទៀតផង។
នៅក្នុងរបាយការណ៍របស់អង្គការសហប្រជាជាតិកាលពីឆ្នាំមុនបានរកឃើញថា សកម្មភាពរបស់ចិននៅក្នុង Xinjiang អាចបង្កើតជា “ឧក្រិដ្ឋកម្មប្រឆាំងមនុស្សជាតិ” ហើយសហរដ្ឋអាមេរិក និងស្ថាប័ននីតិប្បញ្ញត្តិនៅក្នុងប្រទេសផ្សេងទៀត បានចាត់ទុកគោលនយោបាយនេះថាជា “អំពើប្រល័យពូជសាសន៍” ប៉ុន្តែការអះអាងខាងលើនេះ គឺត្រូវបានទីក្រុងប៉េកាំងបដិសេធ។
ទូរទស្សន៍រដ្ឋ CCTV បាននិយាយថា លោក Xi Jinping បានធ្វើដំណើរទៅកាន់រដ្ឋធានីក្នុងតំបន់ Urumqi កាលពីថ្ងៃសៅរ៍ ដោយបានស្តាប់របាយការណ៍ការងាររបស់រដ្ឋាភិបាល និងការថ្លែងសុន្ទរកថា “បញ្ជាក់ពីសមិទ្ធិផលដែលបានធ្វើនៅក្នុងកិច្ចការផ្សេងៗនៅក្នុង Xinjiang” ។
គួរបញ្ជាក់ផងដែរថា វាគឺជាដំណើរទស្សនកិច្ចដំបូងគេ ដែលសាធារណៈជនដឹងថា មេដឹកនាំរបស់ខ្លួនបានធ្វើដំណើរទៅកាន់ Xinjiang ចាប់តាំងពីខែកក្កដាឆ្នាំមុន បើគិតចាប់តាំងពីមានការបង្ក្រាបបទល្មើសនៅក្នុងតំបន់នេះត្រូវបានកើនឡើង។ CCTV បានរាយការណ៍ទៀតថា លោក Xi Jinping “បានសង្កត់ធ្ងន់ថា អាទិភាពកំពូលត្រូវតែត្រូវបានផ្តល់នូវការរក្សាស្ថិរភាពសង្គម… ហើយយើងត្រូវតែប្រើប្រាស់ស្ថិរភាពដើម្បីធានាការអភិវឌ្ឍន៍”។
លោកបាននិយាយថា វាជាការចាំបាច់ក្នុងការរួមបញ្ចូលការអភិវឌ្ឍនៃការប្រឆាំងអំពើភេរវកម្ម និងការតស៊ូប្រឆាំងការបំបែកខ្លួនជាមួយនឹងការជំរុញឲ្យមាន ការងារធ្វើដែលប្រកបដោយស្ថិរភាពក្នុងសង្គម និងនីតិរដ្ឋមានប្រក្រតីភាព»។ លោក Xi Jinping ក៏បានជំរុញឱ្យមន្ត្រីគ្រប់ជាន់ថ្នាក់ទាំងអស់ ត្រូវតែ”លើកកម្ពស់ និងសិក្សាឲ្យបានស៊ីជម្រៅទៅលើសាសនាអ៊ីស្លាម និងគ្រប់គ្រងសកម្មភាពសាសនាខុសច្បាប់ឱ្យមានប្រសិទ្ធភាព” ។
យោងតាមទូរទស្សន៍ CCTV លោកបាននិយាយថា “យើងត្រូវតែបង្កើនការយល់ដឹងរបស់យើងអំពីភាពមិនអនុគ្រោះ និងពង្រឹងស្ថិរភាពសង្គមរបស់យើងដែលពិបាកនឹងទទួលយកបាន” ។ “នៅក្នុងដំណើរការនៃទំនើបកម្មតាមបែបចិន យើងនឹងរួបរួមគ្នាកសាង Xinjiang ដ៏ស្រស់ស្អាតមួយនេះ ប្រកបទៅដោយភាពចុះសម្រុងគ្នា មានទ្រព្យសម្បត្តិគ្រប់គ្រាន់ និងវិបុលភាព”។
ក្នុងនោះផងដែរក្រុមអ្នកស្រាវជ្រាវនៅក្រៅប្រទេស ដែលធ្វើយុទ្ធនាការសិទ្ធិមនុស្ស និងជាសមាជិកនៃជនភៀសខ្លួន Uyghur បានចោទប្រកាន់ប្រទេសចិនថា បានប្រព្រឹត្តិការរំលោភបំពានជាច្រើននៅក្នុង Xinjiang ។ ពួកគេក៏បានរាប់បញ្ចូលទាំងការឃុំខ្លួនជនជាតិមូស្លីមជាងមួយលាននាក់នៅក្នុងបណ្តាញនៃកន្លែងក្រៅច្បាប់ ព្រមទាំងការលាតត្រដាងមួយដែលបង្ហាញថា ពួកគេទាំងនោះត្រូវបានបង្ខំឲ្យធ្វើពលកម្មលើសកម្រឹត ការក្រៀវដោយបង្ខំ និងការប្រកាន់យកនយោបាយ និងការបំផ្លាញទីកន្លែងវប្បធម៌ និងសាសនារបស់ពួកគេ។
ចំនែកឯទីក្រុងប៉េកាំងបានច្រានចោលការចោទប្រកាន់នេះយ៉ាងខ្លាំងក្លា ដោយនិយាយថា គ្រឿងបរិក្ខារជាមជ្ឈមណ្ឌលបណ្តុះបណ្តាលវិជ្ជាជីវៈ និងស្ម័គ្រចិត្ត ដែលមនុស្ស “បានបញ្ចប់ការសិក្សា”។ ខាងចិនបាននិយាយថាការទាមទារនេះ គឺជាផ្នែកមួយនៃផែនការដែលដឹកនាំដោយសហរដ្ឋអាមេរិក ដើម្បីលាបពណ៌ចិននិងទប់ស្កាត់ការរីកចម្រើនរបស់ប្រទេសចិន ដោយព្យាយាមរុញច្រានមកវិញនូវអ្វីដែលខ្លួនចាត់ទុកថាជាការផ្សាយព័ត៌មានអវិជ្ជមានរបស់លោកខាងលិចនៅក្នុង Xinjiang ។
នៅក្នុងសុន្ទរកថាកាលពីថ្ងៃសៅរ៍ លោក Xi បាននិយាយថា ក្រុមមន្ត្រីត្រូវតែ “ពង្រឹងការផ្សព្វផ្សាយជាវិជ្ជមាន និងបង្ហាញពីបរិយាកាសថ្មីនៃ Xinjiang ដូចជាការបើកចំហ និងបង្ហាញពីទំនុកចិត្តលើខ្លួនឯង។ លោក Xi បាននិយាយថា តំបន់នេះក៏គួរតែបើកចំហបន្ថែមទៀតដល់វិស័យទេសចរណ៍ក្នុងស្រុក និងបរទេសផងដែរ។
(AFP)
