យោងតាមទីភ្នាក់ងារសារព័ត៌មានរ៉យទ័រកាលពីថ្ងៃទី ៥ ខែគញ្ញា ឆ្នាំ ២០២៣ បានឲ្យដឹងថាការរវាយលុករបស់អ៊ុយក្រែនគឺនៅក្នុងខែទីពីររបស់ខ្លួន នៅពេលដែលមានទហ៊ានម្នាក់ ដែលមានឈ្មោះថា Andrey បានទូរស័ព្ទទៅប្រពន្ធរបស់គាត់ ដើម្បីនិយាយថាអង្គភាពរបស់គាត់កំពុងទទួលរងគ្រោះយ៉ាងធ្ងន់ធ្ងរ។ គាត់បាននិយាយថា ពួកយើងត្រូវបានបំពាក់ឩបករណ៍ដ៏ធ្ងន់ ខ្ញុំមានអារម្មណ៍ថា ពេលនេះខ្ញុំដូចជាកងកម្លាំងសូវៀតម្នាក់ ដែលកំពុងស្ថិនៅក្នុងសង្គ្រាមលោកលើកទីពីរអញ្ចឹង។
ទាហ៊ានរបស់រុស្ស៊ីម្នាក់ត្រូវបានគេចាប់យកសម្លេងបាន គឺលោក Andrey បាននិយាយតាមទូរស័ព្ទកាលពីថ្ងៃទី 12 ខែកក្កដាថា “ពួកគេកំពុងធ្វើឱ្យយើងឆ្កួត” ដោយប្រៀបធៀបការវាយលុកទៅនឹងពេលវេលាដ៏អាក្រក់បំផុតនៃការលុកលុយរបស់អាល្លឺម៉ង់លើសហភាពសូវៀតដូច្នេះដែរ។ ព្រោះពួកយើង“គ្មានគ្រាប់កាំភ្លើងនោះទេ តើយើងគួរប្រើម្រាមដៃរបស់យើងជា bayonet ទេ?”
ការសន្ទនានេះគឺជាការដកស្រង់ចេញពីការហៅទូរស័ព្ទចំនួន 17 របស់ទាហ៊ានរុស្ស៊ី ដែលកំពុងប្រយុទ្ធនៅភាគខាងត្បូង និងខាងកើតនៃអ៊ុយក្រែន ហើយពួកគេទាំងនោះត្រូវបានគេស្ទាក់ចាប់សម្លេងនៅក្នុងពីរសប្តាហ៍ដំបូងនៃខែកក្កដាដោយសេវាសន្តិសុខអ៊ុយក្រែន (SBU) ដែលជាទីភ្នាក់ងារស៊ើបការណ៍សំខាន់របស់ប្រទេស។
ការស្ទាក់ចាប់យ៉ាងសន្ធឹកសន្ធាប់ ដែលចែករំលែកជាមួយ Reuters ដោយប្រភពស៊ើបការណ៍អ៊ុយក្រែន គឺបានផ្តល់ភាពកម្រមួយ បើទោះបីជាវាជាផ្នែកខ្លះក៏ដោយ។
បន្ទាប់ពីរុស្ស៊ីបានរារាំងយុទ្ធនាការយោធារបស់អ៊ុយក្រែនយ៉ាងទូលំទូលាយ និងទទួលបានទឹកដីតិចតួចខ្លះៗក៏ពិតមែន តែចំពោះទាហ៊ានដែលស្ថិតនៅក្នុងស្ទាក់ចាប់ ពួកគេបានត្អូញត្អែរថាអង្គភាពរបស់ពួកគេបានទទួលរងនូវការខាតបង់យ៉ាងធ្ងន់ធ្ងរ ព្រោះតែកង្វះអាវុធយុទ្ធភ័ណ្ឌ ការហ្វឹកហ្វឺន និងឧបករណ៍ត្រឹមត្រូវ ក៏ដូចជា មេដឹកនាំមានសីលធម៌មិនល្អ។
អ្នកសារព័ត៌បានដឹងថា ទាំងរុស្ស៊ី និងអ៊ុយក្រែនបានចាត់ទុកការខាតបង់របស់ពួកគេជារឿងសម្ងាត់របស់រដ្ឋ។ ហើយអ៊ុយក្រែនបានទទួលស្គាល់ថាកិច្ចខិតខំប្រឹងប្រែងរបស់ខ្លួន ក្នុងការដណ្តើមយកទឹកដីមកវិញ ត្រូវបានរារាំងដោយគ្រាប់មីនដ៏ធំរបស់រុស្ស៊ី និងខ្សែការពារដែលបានរៀបចំមកយ៉ាងល្អ។ យើបានរំដោះភូមិជាច្រើន ប៉ុន្តែមិនបានយកមកវិញនូវការតាំងទីលំនៅធំដុំណាមួយនោះទេបើគិតមកទល់នឹងពេលនេះ ហើយជួរមុខនៅតែមិនផ្លាស់ទី ដែលធ្វើឱ្យសម្ព័ន្ធមិត្តលោកខាងលិចរបស់ទីក្រុង Kyiv មានការខកចិត្ត។
ចំនែកឯខាងសារព័ត៌មាន Reuters មិនអាចកំណត់បានថា តើតំណាងនៃការស្ទាក់ចាប់មានលក្ខខណ្ឌក្នុងកងកម្លាំងប្រដាប់អាវុធរបស់រុស្ស៊ីបានដោយរបៀបណានោះទេ។ តែបើយោងតាមប្រភព របស់អ្នកយកការណ៍របស់អ៊ុយក្រែនបាននិយាយថា ពួកគេបានបង្ហាញពីបញ្ហាប្រឈមដែលទាហ៊ានរុស្ស៊ីកំពុងតែជួបប្រទះ ប៉ុន្តែមិនបានបញ្ជាក់លម្អិតអំពីរបៀបដែលពួកគេបានថតសំឡេងនោះដែរ។
បើយោងតាមការវាយតម្លៃរបស់ទីភ្នាក់ងារស៊ើបការណ៍សម្ងាត់ការពារជាតិអាមេរិក ដែលបានលេចធ្លាយតាមអ៊ីនធឺណិតក្នុងខែមេសាបានបង្ហាញថា រុស្ស៊ីមានទាហ៊ាន 35,500-43,000 នាក់ គឺត្រូវបានសម្លាប់ក្នុងសកម្មភាពក្នុងអំឡុងពេលជម្លោះនៅអ៊ុយក្រែន ហើយបើធៀបនឹងទាហ៊ានរបស់អ៊ុយក្រែនវិញ គឺមានប្រហែល 15,500-17,500តែប៉ុណ្ណោះ។ ខាងប្រទេសរុស្ស៊ីបាននិយាយថា ការប៉ាន់ប្រមាណរបស់អាមេរិកអំពីការខាតបង់របស់ខ្លួន គឺពិតជាខ្ពស់ពេកហើយ វាគ្រាន់តែជាការឃោសនាតែប៉ុណ្ណោះ។
