គណបក្សប្រឆាំងចលនាឆ្ពោះទៅមុខ (MFP) បានប្តេជ្ញាពិនិត្យមើលសេចក្តីថ្លែងការណ៍គោលនយោបាយ ដែលដឹកនាំដោយគណបក្សភឿថៃ ដែលនឹងត្រូវប្រកាសនៅក្នុងសភានៅថ្ងៃច័ន្ទសប្តាហ៍ក្រោយ ដោយអះអាងថា គណបក្សមួយនេះហាក់ដូចជា បានលុបចោលការសន្យាសំខាន់ៗរបស់ខ្លួនមួយចំនួន រួមទាំងការបោះឆ្នោតសេចក្តីព្រាងច្បាប់រដ្ឋធម្មនុញ្ញថ្មីជាដើម។
នៅក្នុងការជូនដំណឹងដែលបានបង្ហោះនៅលើគណនីរបស់ខ្លួននៅលើ X ដែលពីមុនត្រូវបានគេស្គាល់ថាជា Twitter (MFP) បានជំរុញឱ្យសាធារណជនទាំងអស់ចូលរួមជាមួយវាក្នុងការដាក់សេចក្តីថ្លែងការណ៍គោលនយោបាយរបស់រដ្ឋាភិបាលថ្មីនៅក្រោមមីក្រូទស្សន៍។
គណបក្សចលនាឆ្ពបោះទៅមុខ(MFP) ក៏បានផ្តល់ជាឯកសារយោងទៅកាន់ច្បាប់ចម្លងនៃសេចក្តីថ្លែងការណ៍ដែលមានចំនួន 52 ទំព័ររបស់រដ្ឋាភិបាលផងដែរ។
ហើយអ្វីទាំងអស់នេះអាចបង្ហាញថា រដ្ឋាភិបាលបានបរាជ័យក្នុងការរួមបញ្ចូលការសន្យាទាំងអស់ចំនួនបីដែលខ្លួនធ្លាប់បាននិយាយចំពោះអ្នកបោះឆ្នោតជូនគណបក្សរបស់ខ្លួន។ ការសន្យារបស់ភឿថៃនាពេលនោះមានដូចជា៖ ខ្លួននឹងជ្រើសរើសសភាដែលតាក់តែងរដ្ឋធម្មនុញ្ញថ្មី ការដំឡើងប្រាក់ឈ្នួលប្រចាំថ្ងៃអប្បបរមា៦០០បាតក្នុងមួយថ្ងៃ និងកាត់បន្ថយថ្លៃសេវាផ្លូវដែកដល់អត្រាថេរគឺត្រឹមតែ 20 បាត ក្នុងមួយការធ្វើដំណើរ។ .
MFP បានសរសេរថា “ការសន្យាជាច្រើនបានបាត់ សូមឲ្យប្រជាជនតាមដានយ៉ាងដិតដល់លើសេចក្តីប្រកាសគោលនយោបាយរបស់រដ្ឋាភិបាល និងការជជែកដេញដោលរបស់ MFP លើវេទិការនាពេលឆាប់ៗនេះ” ។
លោក Phakamon Noonanan អ្នកនាំពាក្យរងរបស់ MFP បានរិះគន់រដ្ឋាភិបាលថ្មី ដែលមានបំណងកាត់បន្ថយការជជែកពិភាក្សារបស់សភាលើសេចក្តីថ្លែងការណ៍គោលនយោបាយពីមួយថ្ងៃទៅមួយថ្ងៃ ដោយនិយាយថា រឿងនេះនឹងកំណត់ស្តង់ដារទាបជាងរដ្ឋាភិបាលមុន ដែលកាលពីឆ្នាំ 2019 គឺអនុញ្ញាតតែត្រឹមរយៈពេលពីរថ្ងៃសម្រាប់ការពិភាក្សា។
រដ្ឋមន្ត្រីសេដ្ឋកិច្ច និងសង្គមឌីជីថល លោក Prasert Chantharauangthong បានទទូចថា មានតែថ្ងៃច័ន្ទមួយប៉ុណ្ណោះ គួរតែគ្រប់គ្រាន់សម្រាប់ការជជែកពិភាក្សា ដោយយើងអាចនិយាយបានថា ការសម្រេចចិត្តចុងក្រោយអំពីពេលវេលាពិតប្រាកដនឹងត្រូវសម្រេចនៅថ្ងៃនេះ នៅក្នុងកិច្ចប្រជុំត្រីភាគីរបស់រដ្ឋាភិបាល ព្រឹទ្ធសភា និងក្រុមប្រឆាំង។
សមាជិកព្រឹទ្ធសភា លោក Kamnoon Sidhisamarn ដែលមានតួនាទីជាអ្នកនាំពាក្យព្រឹទ្ធសភាបាននិយាយថា ព្រឹទ្ធសភាបានទទួលច្បាប់ចម្លងនៃសេចក្តីថ្លែងការណ៍គោលនយោបាយរបស់រដ្ឋាភិបាលថ្មីរួចរាល់ ហើយពួកយើងក៏កំពុងតែសិក្សាវាដើម្បីរៀបចំសម្រាប់ការជជែកដេញដោលនៅថ្ងៃច័ន្ទ។
លោកបាននិយាយទៀតថា គោលនយោបាយកាបូបឌីជីថលតម្លៃ 10,000 បាតហាក់ដូចជាការផ្តោតសំខាន់នៃការជជែកដេញដោលរបស់ព្រឹទ្ធសភា ដែលក្នុងនោះវាអាចនឹងមានសំនួរមួយសួរថា តើមូលនិធិនេះត្រូវបានកំណត់មកពីណា។
ម្យ៉ាងវិញទៀតចំពោះការសរសេររដ្ឋធម្មនុញ្ញឡើងវិញ រដ្ឋាភិបាលបាននិយាយថា ជំពូកដែលទាក់ទងនឹងព្រះមហាក្សត្រនឹងមិនត្រូវបានធ្វើវិសោធនកម្មទេ។
