យោងតាមការចុះផ្សាយរបស់កាសែត The Korean Times កាលពីថ្ងៃទី ០៨ ខែកញ្ញា ឆ្នាំ២០២៣បានឲ្យដឹងថា អ្នកជំនាញបានលើកឡើងពី កិច្ចព្រមព្រៀងសន្តិសុខត្រីភាគី ដែលថាវាមិនអាចធ្វើឱ្យកូរ៉េខាងត្បូង មានការចូលរួមក្នុងជំលោះនៅតៃវ៉ាន់នោះទេ។
ក្រុមអ្នកជំនាញបាននិយាយទៀតថា បន្ទាប់ពីកិច្ចព្រមព្រៀងសន្តិសុខ Seoul-Washington-Tokyo នាពេលថ្មីៗនេះត្រូវបានផ្សាភ្ជាប់កាលពីខែមុន គឺដើម្បីពង្រឹងកិច្ចសហប្រតិបត្តិការនៅក្នុងតំបន់ឥណ្ឌូប៉ាស៊ីហ្វិកតែប៉ុណ្ណោះ។ ប៉ុន្តែក្រុមអ្នករិះគន់នៅក្នុងប្រទេសកូរ៉េខាងត្បូងបានអះអាងថា កិច្ចព្រមព្រៀងមួយនេះ អាចបង្ហាញថា ប្រទេសរបស់ពួកគេនឹងមានហានិភ័យកាន់តែខ្លាំងក្នុងការទាញចូលទៅក្នុងសង្គ្រាមដ៏មានសក្តានុពលលើកោះតៃវ៉ាន់ដែលជាចំណុចបញ្ឆេះសង្គ្រាមនៃប្រទេសមហាអំណាចនៅក្នុងពិភពលោក។
នៅក្នុងកិច្ចប្រជុំនាពេលថ្មីៗនេះ ជាមួយមន្ត្រីនៃគណបក្សប្រជាធិបតេយ្យប្រឆាំងកូរ៉េ លោក Kim Do-gyun អតីតមេបញ្ជាការនៃទីបញ្ជាការការពាររដ្ឋធានី បាននិយាយថា ឥឡូវនេះកូរ៉េខាងត្បូង ទំនងជាត្រូវបានចូលរួមនៅក្នុងបញ្ហានៃសក្តានុពលប្រដាប់អាវុធជម្លោះជាមួយចិន។
លោកបាននិយាយថា “វាទំនងណាស់ដែលថា ចំណាត់ការដែលបានខ្ចប់ជាដៃគូសន្តិសុខត្រីភាគីប្រឆាំងនឹងការគំរាមកំហែងរបស់កូរ៉េខាងជើង មានគោលបំណងភាគច្រើនក្នុងការពង្រឹងការទប់ទល់នឹងប្រទេសចិន” ។
ទស្សនៈបែបនេះ ត្រូវបានចែករំលែកដោយអ្នកនយោបាយមួយចំនួនតូចក៏ពិតមែន តែការស្ទង់មតិ ដែលបានចេញផ្សាយកាលពីថ្ងៃពុធ បានបង្ហាញថា គឺស្មើនឹង 44.8 ភាគរយនៃអ្នកឆ្លើយតបបាននិយាយថាពួកគេជឿថាកិច្ចព្រមព្រៀងបីផ្លូវនឹងមិនមានប្រយោជន៍សម្រាប់សន្តិសុខនៃប្រទេសរបស់ពួកគេនោះទេ។ បើទោះជាយ៉ាងណាក៏ដោយ នោះគឺជាទឡ្ហីករណ៍ដ៏ទន់ខ្សោយ នេះបើយោងតាមអ្នកជំនាញសន្តិសុខ និងទំនាក់ទំនងបរទេស។
ពួកគេបាននិយាយថា ជាមួយនឹងសន្ធិសញ្ញាការពារទៅវិញទៅមកកាលពីឆ្នាំ 1953 ជាមួយសហរដ្ឋអាមេរិកបានចូលជាធរមានរួចហើយ កូរ៉េខាងត្បូងនឹងត្រូវឆ្លើយតបផ្នែកយោធា ដោយមិនគិតពីកតិកាសញ្ញាត្រីភាគី ប្រសិនបើកងកម្លាំងអាមេរិកប៉ះទង្គិចជាមួយប្រទេសចិនជុំវិញកោះតៃវ៉ាន់ ដែលជាកោះដែលគ្រប់គ្រងដោយខ្លួនឯង។
តែទីក្រុងប៉េកាំងតែងតែអះអាងថាកោះតៃវ៉ាន់គឺជាទឹកដីរបស់ខ្លួន។ ពួកគេបានបន្ថែមថា សូមពិចារណាលើកត្តាហានិភ័យផ្សេងទៀតនៅមុន និងក្រោយការផ្ទុះឡើងនៃអំពើហឹង្សានៅក្នុងតំបន់មួយនេះ ព្រោះថាកូរ៉េខាងត្បូងមានសុវត្ថិភាព មិនច្រើនជាងកោះមួយនេះប៉ុន្មាននោះទេ។
“សូមពិចារណាបន្ថែមទៀតថា សន្ធិសញ្ញាការពារគ្នាទៅវិញទៅមករវាងសហរដ្ឋអាមេរិក និងកូរ៉េខាងត្បូង គឺវាគ្រាន់តែជាសន្ធិសញ្ញាការពារទៅវិញទៅមក។ ហើយការអានអំពីសន្ធិសញ្ញានោះបាននិយាយថា ទោះបីជាកូរ៉េខាងត្បូង សម្រេចចិត្តមិនបញ្ជូនកងកម្លាំងទៅជួយតៃវ៉ាន់ក្នុងជម្លោះក៏ដោយ តែនៅពេលដែលចិនបានបើកការវាយប្រហារណាមួយវាក៏នូវប៉ះពាល់ដល់កូរ៉េខាងត្បូងដដែល។
លោក Bruce Bennett អ្នកវិភាគជាន់ខ្ពស់ផ្នែកការពារជាតិនៅសាជីវកម្ម Rand ដែលជាអ្នកគិតគូររបស់សហរដ្ឋអាមេរិកបាននិយាយថា មូលដ្ឋានទ័ពអាមេរិកនៅប៉ាស៊ីហ្វិក ជាមួយកូរ៉េខាងត្បូងនឹងមានទំនួលខុសត្រូវក្នុងការគាំទ្រលើសកម្មភាពរបស់សហរដ្ឋអាមេរិក។
ពោះនៅក្នុងសន្ធិសញ្ញាបានចែងថា ក្នុងករណី បើភាគីណាមួយ “នឹងធ្វើសកម្មភាពដើម្បីឆ្លើយតបនឹងគ្រោះថ្នាក់រួម ស្របតាមដំណើរការនៃរដ្ឋធម្មនុញ្ញរបស់ខ្លួន”។ “ឥឡូវនេះផងដែរ ប្រជាជនកូរ៉េខាងត្បូងមួយចំនួនអាចយល់ឃើញថា នេះជាតម្រូវការទន់ខ្សោយដែលកូរ៉េខាងត្បូងអាចគេចវេស ប៉ុន្តែត្រូវពួកយើងត្រូវតែគិតថា តើប្រជាជនអាមេរិកនឹងមានប្រតិកម្មយ៉ាងណា ប្រសិនបើចិនវាយប្រហារមូលដ្ឋានទ័ពអាកាស Kadena របស់អាមេរិកដែលតាំងនៅប្រទេសជប៉ុន ហើយប្រទេសកូរ៉េខាងត្បូងមិនគាំទ្រសហរដ្ឋអាមេរិក។
វាជា“ពិតណាស់ វាគឺជាជម្រើសរបស់កូរ៉េខាងត្បូង ថាតើត្រូវបញ្ជូនកងកម្លាំងឲ្យទៅការពារកោះតៃវ៉ាន់ដែរ ឬអត់ ប៉ុន្តែកូរ៉េខាងត្បូងខ្លួនឯងក៏បានបរាជ័យក្នុងការការពារកងកម្លាំងអាមេរិក និងជនស៊ីវិល បន្ទាប់ពីការវាយប្រហាររបស់ចិនលើទីតាំងរបស់សហរដ្ឋអាមេរិក មានន័យថា ចំពោះខ្ញុំ មានន័យថា វាស្មើរនឹងការលុបចោលរបស់កូរ៉េខាងត្បូង។
សន្ធិសញ្ញាការពារទៅវិញទៅមក គឺជាកិច្ចប្រជុំកំពូលត្រីភាគីមិនដ៏មានឥទ្ធិពលលើការទទួលខុសត្រូវជាទ្វេភាគីនេះទេ”។ បើយោងតាមលោក Sean King អនុប្រធានជាន់ខ្ពស់នៃក្រុមហ៊ុន Park Strategies ដែលជាក្រុមហ៊ុនប្រឹក្សា ដែលមានមូលដ្ឋាននៅទីក្រុងញូវយ៉ក បានឱ្យដឹងថា ការបន្ថែមប្រទេសជប៉ុនទៅក្នុងប្រព័ន្ធសន្តិសុខកូរ៉េខាងត្បូង-អាមេរិក ដែលមានស្រាប់នឹងមិនប៉ះពាល់ដល់តម្លៃស្នូលនៃភាពជាដៃគូនោះទេ។
លោកបាននិយាយថា “គ្មានអ្វីដែលបានពិភាក្សា ឬចុះហត្ថលេខានៅ Camp David នឹងមិនធ្វើឱ្យមានសក្តានុពលណាមួយដែលពាក់ព័ន្ធនឹងសង្រ្គាមកូរ៉េខាងត្បូង ទំនងជាច្រើន ឬតិចនោះទេ”។ ព្រោះ”ប្រធានាធិបតីសហរដ្ឋអាមេរិក លោក Joe Biden បានអះអាងម្តងទៀតនូវការប្តេជ្ញាចិត្តនៃការរារាំងបន្ថែមទៀតរបស់អាមេរិក ចំពោះកូរ៉េខាងត្បូងនៅឯ Camp David ដែលល្អសម្រាប់សម្ព័ន្ធភាពអាមេរិក-កូរ៉េខាងត្បូងក្នុងរយៈពេលវែង”។
ប៉ុន្តែនៅពេលសួរអំពីលទ្ធភាពនៃការលុកលុយរបស់ចិនមកលើកោះតៃវ៉ាន់ អ្នកជំនាញបាននិយាយថា ពួកគេគិតថាវាមិនទំនងខ្លាំងនោះទេ ដោយសារស្ថិរភាពដែលនាំមក និងគាំទ្រដោយគោលការណ៍សន្តិសុខអន្តរជាតិនៅក្នុងតំបន់ រួមទាំងកតិកាសញ្ញាកូរ៉េខាងត្បូង អាមេរិក និងជប៉ុនគឺនៅតែមាន។
លោក Daniel Pinkston អ្នកជំនាញអាស៊ីបូព៌ានៅសាកលវិទ្យាល័យ Troy ក្នុងប្រទេសកូរ៉េខាងត្បូងបាននិយាយថា “ខ្ញុំគិតថាវាមិនទំនងនៅពេលនេះទេ ខ្ញុំគិតថាការរារាំងគ្នាទៅវិញទៅមកមានស្ថេរភាព”។
“ខ្ញុំគិតថាសេចក្តីថ្លែងការណ៍ត្រីភាគី គឺសំដៅរារាំងទីក្រុងប៉េកាំងពីការប្រើប្រាស់កម្លាំងដើម្បីដោះស្រាយបញ្ហានៅកោះតៃវ៉ាន់។ ដូច្នេះហើយ អ្វីទាំងនេះគឺប្រែប្រួលលើមនុស្សដែលជឿជាក់ ក្នុងសញ្ញារារាំងនោះ។
ខ្ញុំមានទំនោរគិតថាវាគួរឱ្យទុកចិត្ត ដូច្នេះខ្ញុំគិតថាហានិភ័យ ជម្លោះមានកម្រិតទាបជាងប្រសិនបើអាមេរិកបោះបង់ការប្តេជ្ញាចិត្តផ្នែកសន្តិសុខក្នុងតំបន់ ហើយពិសេសជាងនេះទៅទៀតនោះ ប្រសិនបើអវត្តមានកិច្ចសហប្រតិបត្តិការសន្តិសុខត្រីភាគី អាចកើតឡើងពិតមែន»។
