ប្រទេសរុស្ស៊ី នៅថ្ងៃទី 12 ខែកញ្ញា ឆ្នាំ ២០២៣ បើយោងតាមទីភ្នាក់ងារសារព័ត៌មានរ៉យទ័រ បានរាយការណ៍នៅថ្ងៃអង្គារនេះថា មេដឹកនាំកូរ៉េខាងជើងលោក Kim Jong Un បានទៅដល់ប្រទេសរុស្ស៊ីហើយ សម្រាប់អ្វីដែលវិមានក្រឹមឡាំងបាននិយាយថា នឹងក្លាយជាការពិភាក្សាដ៏ទូលំទូលាយជាមួយប្រធានាធិបតី លោក វ្ល៉ាឌីមៀ ពូទីន ស្របពេលដែលមានការព្រមានពីទីក្រុងវ៉ាស៊ីនតោនថា កូរ៉េខាងជើងរ មិនគួរយល់ព្រមលើកិច្ចព្រមព្រៀងអាវុធជាមួយនឹងរុស្ស៊ីនោះទេ។
លោក គីម បានចាកចេញពីទីក្រុងព្យុងយ៉ាងទៅកាន់ប្រទេសរុស្ស៊ីកាលពីថ្ងៃអាទិត្យតាមរថភ្លើងឯកជនរបស់គាត់ ដែលប្រព័ន្ធផ្សព្វផ្សាយរដ្ឋរបស់កូរ៉េខាងជើងបានរាយការណ៍កាលពីថ្ងៃអង្គារ អមដោយមន្ត្រីឧស្សាហកម្មអាវុធកំពូល និងមន្ត្រីយោធា និងរដ្ឋមន្ត្រីការបរទេស។
ខាងទីភ្នាក់ងារសារព័ត៌មានតូក្យូរបស់ប្រទេសជប៉ុនបានរាយការណ៍កាលពីថ្ងៃអង្គារដោយដកស្រង់ប្រភពផ្លូវការរបស់រុស្ស៊ី ដែលមិនបញ្ចេញឈ្មោះថា រថភ្លើងបានដឹកលោកគីម បានទៅដល់ស្ថានីយ៍ Khasan ដែលជាច្រកផ្លូវដែកសំខាន់ទៅកាន់ចុងបូព៌ារបស់រុស្ស៊ីពីកូរ៉េខាងជើង។
អ្នកនាំពាក្យក្រសួងការពារជាតិកូរ៉េខាងត្បូងបាននិយាយថា ពួកគេជឿជាក់ថា លោក គីម បានចូលប្រទេសរុស្ស៊ីកាលពីព្រឹកថ្ងៃអង្គារ។
លោក គីម មិនធ្វើដំណើរទៅក្រៅប្រទេសញឹកញាប់ទេ ដោយបានធ្វើដំណើរតែប្រាំពីរដងពីប្រទេសរបស់គាត់ និងបានបោះជំហ៊ានពីរដងឆ្លងកាត់ព្រំដែនអន្តរកូរ៉េក្នុងរយៈពេល 12 ឆ្នាំរបស់គាត់ក្នុងរយៈពេលនៃការកាន់អំណាចរបស់គាត់តែប៉ុណ្ណោះ។ ដំណើរទស្សនៈកិច្ចរបស់អ្នកទាំងបួនលើកនេះ ត្រូវបានគេដឹងថា គឺធ្វើឡើងដើម្បីទៅជួបសម្ព័ន្ធមិត្តនយោបាយសំខាន់របស់កូរ៉េខាងជើងផងដែរនោះ គឺប្រទេសចិន។
អ្នកនាំពាក្យវិមានក្រឹមឡាំង លោក Dmitry Peskov បាននិយាយថា “វានឹងក្លាយជាដំណើរទស្សនកិច្ចដ៏ពេញលេញមួយ” ។ ព្រោះវា”នឹងមានការចរចាររវាងគណៈប្រតិភូទាំងពីរ ហើយបន្ទាប់ពីនោះ ប្រសិនបើចាំបាច់ មេដឹកនាំនឹងបន្តទំនាក់ទំនងរបស់ពួកគេក្នុងទម្រង់មួយទល់មួយ”ផងដែរ។
បើទោះជាយ៉ាងនេះក្តី ក៏មន្ត្រីម្នាក់នៅរដ្ឋបាល Khasan បានបដិសេធមិនធ្វើអត្ថាធិប្បាយលើរបាយការណ៍នៃការមកដល់របស់លោក Kim នោះទេ។
ប៉ុន្តែចំពោះមន្ត្រីអាមេរិក បាននិយាយថា ដំណើរទស្សនកិច្ចនេះគឺ ដើម្បីការចរចាអាវុធរវាងរុស្ស៊ី និងកូរ៉េខាងជើងតែប៉ុណ្ណោះ។ ព្រោះនៅពេលនេះ លោក ពូទីន ពិតជាត្រូវការលោក គីម ដោយទំនងជានឹងពិភាក្សាអំពីការផ្តល់អាវុធដល់រុស្ស៊ីសម្រាប់សង្គ្រាមនៅអ៊ុយក្រែន។
ទីភ្នាក់ងារព័ត៌មាន TASS របស់រុស្ស៊ីបាននិយាយថា លោកពូទីនបានទៅដល់ទីក្រុង Vladivostok កាលពីថ្ងៃច័ន្ទ។ ហើយលោកគ្រោងនឹងចូលរួមសម័យប្រជុំពេញអង្គនៃវេទិកាសេដ្ឋកិច្ចបូព៌ា ដែលដំណើរការរហូតដល់ថ្ងៃពុធ។
ក្នុងនោះ លោក Peskov បាននិយាយថា កិច្ចប្រជុំរបស់គាត់ជាមួយលោក Kim នឹងធ្វើឡើងបន្ទាប់ពីវេទិកា ហើយលោកបាននិយាយថា វាគ្មានសន្និសីទសារព័ត៌មានណាមួយត្រូវបានគ្រោងទុកនោះទេ នេះបើយោងតាមទីភ្នាក់ងារសារព័ត៌មានរុស្ស៊ី។
បើគិតមកទល់នឹងពេលនេះ វានូវតែមិនទាន់មានការបញ្ជាក់ពីទីតាំងនៃជំនួប រវាងលោក Kim នឹង លោក ពូទីន នៅឡើយទេ។
ហើយម្យ៉ាងវិញទៀត ទីក្រុងព្យុងយ៉ាង និងទីក្រុងមូស្គូក៏បានបដិសេធថា កូរ៉េខាងជើងនឹងមិនផ្គត់ផ្គង់អាវុធដល់ប្រទេសរុស្ស៊ី ដែលបានចំណាយស្តុកអាវុធយ៉ាងច្រើននៅក្នុងសង្គ្រាមជាង 18 ខែនោះដែរ។
យ៉ាងណាមិញខាងរដ្ឋាភិបាលក្រុងវ៉ាស៊ីនតោន និងសម្ព័ន្ធមិត្តបានសម្តែងការព្រួយបារម្ភចំពោះសញ្ញាថ្មីៗនៃកិច្ចសហប្រតិបត្តិការយោធាកាន់តែជិតស្និទ្ធរវាងរុស្ស៊ី និងកូរ៉េខាងជើង ដោយសារតែពួកគេសុទ្ធសឹងតែជាប្រទេសដែលមានអាវុធនុយក្លេអ៊ែរ។ សហរដ្ឋអាមេរិកតែងតែព្រួយបារម្មណ៍ថា វានឹងក្លាយជាជំនួបកំពូលលើកទីពីររបស់លោកគីមជាមួយលោកពូទីន បន្ទាប់ពីពួកគេបានជួបគ្នានៅឆ្នាំ 2019 ក្នុងដំណើរចុងក្រោយរបស់គាត់នៅបរទេស។
