ប្រធានាធិបតីអាមេរិក លោក Joe Biden កាលពីថ្ងៃព្រហស្បតិ៍ បានធានាដល់ប្រធានាធិបតីអ៊ុយក្រែន លោក Volodymyr Zelenskiy ថា អាមេរិកនៅតែបន្តរការគាំទ្រដ៏រឹងមាំ ដើម្បីទប់ទល់នឹងការឈ្លានពានរបស់រុស្ស៊ី នេះបើយោងតាមការចុះផ្សាយរបស់ទីភ្នាក់ងារសាព័ត៌មានរ៉យទ័រកាលពីថ្ងៃទី ២២ ខែកញ្ញា ឆ្នាំ២០២៣។
ទន្ទឹមនឹងនោះជំនួបរវាង លោក Biden និង លោក Zelenskiy ក៏មានការប្រឹក្សាអំពីវិធីនៃការធ្វើសង្រ្គាមមួយនៅក្នុងបន្ទប់ White House East Room ដែលជាផ្នែកមួយនៃការលេចឡើងនៃព្យុះសង្ឃរា ដែលមេដឹកនាំអ៊ុយក្រែនបានស្វែងរកដើម្បីជំរុញការគាំទ្ររបស់សហរដ្ឋអាមេរិកសម្រាប់សង្រ្គាម ក្នុងការបញ្ចប់ក្នុងប្រទេសរបស់ខ្លួន។
លោក Biden បាននិយាយប្រាប់លោក Zelenskiy មុនពេលឈានជើងទៅតុហើយចាប់ដៃលោកបន្ទាប់ពីការពិភាក្សាពីរម៉ោងថា៖ « យើងនឹងនៅជាមួយអ្នក យើងនៅតែនៅជាមួយអ្នក»។
លោក Zelenskiy បានថ្លែងអំណរគុណដល់លោក Biden សម្រាប់កញ្ចប់ជំនួយយោធាថ្មី ដែលមានតម្លៃស្មើរនឹង 325 លានដុល្លារនៃសព្វាវុធ ព្រមទាំងប្រព័ន្ធការពារដែនអាកាស ដោយលោកបាននិយាយថា “វាជាអ្វីដែលទាហ៊ានរបស់យើងត្រូវការនៅពេលនេះ” ។
ប៉ុន្តែចំពោះសំណើររបស់លោក Biden សម្រាប់ទឹកប្រាក់ចំនួន 24 លានដុល្លារបន្ថែមទៀតនៅក្នុងមូលនិធិអ៊ុយក្រែន ដើម្បីជួយចំណាយសម្រាប់វិស័យការពារជាតិ និងជំនួយមនុស្សធម៌របស់អ៊ុយក្រែនរហូតដល់ដំណាច់ឆ្នាំនេះ ត្រូវបានជាប់គាំងនៅក្នុងការប្រយុទ្ធថវិកាដែលជំរុញដោយក្រុមគណបក្សសាធារណរដ្ឋ ដែលមាននិន្នាការរឹងរូសនៅក្នុងសភាតំណាងរាស្រ្ត។
នៅពេលសួរពីរបៀបយកឈ្នះលើក្រុមប្រឆាំង លោក Biden បាននិយាយថា មធ្យោបាយតែមួយគត់គឺការយល់ព្រមពីសភាអាមេរិក។
លោក Biden បានបន្តទៀតថា “ខ្ញុំកំពុងពឹងផ្អែកលើការវិនិច្ឆ័យដ៏ល្អរបស់សភាសហរដ្ឋអាមេរិក យើងមិនមានជម្រើសផ្សេងនោះទេ»។
រាល់ការអត្ថាធិប្បាយរបស់សមាជិកព្រឹទ្ធសភាមកពីគណបក្សសាធារណរដ្ឋ លោក Rand Paul ដែលជាអ្នករិះគន់ជាញឹកញាប់អំពីជំនួយបរទេស គឺជានិមិត្តរូបនៃក្រុមប្រឆាំង។ គាត់បានប្រាប់ Fox Business News ថាអ៊ុយក្រែនគឺជា “របបពុករលួយ” ហើយថាសង្រ្គាមមិនមានទីបញ្ចប់នៅក្នុងការមើលឃើញ។
លោក Biden បាននិយាយថា រថក្រោះ Abrams របស់អាមេរិកដំបូងគេនឹងត្រូវបញ្ជូនទៅអ៊ុយក្រែននៅសប្តាហ៍ក្រោយ។
លោក Biden បាននិយាយថា “ដូចដែលយើងប្តេជ្ញាជួយអ៊ុយក្រែនការពារខ្លួនឥឡូវនេះ យើងក៏ប្តេជ្ញាជួយពួកគេឱ្យងើបឡើងវិញ និងកសាងឡើងវិញនាពេលអនាគត រួមទាំងការគាំទ្រកំណែទម្រង់ដែលនឹងប្រយុទ្ធប្រឆាំងនឹងអំពើពុករលួយផងដែរ” ។
បើទោះជាយ៉ាងណាក៏ដោយ ការជួបពិភាក្សាលើកនេះវាមិនមែនគ្រាន់តែនិយាយទៅលើជំនួយ របស់សហរដ្ឋអាមេរិកតែមួយមុខនោះទេ លោក Zelenskiy ក៏បានគូសបញ្ជាក់ពីបំណងរបស់លោក នៃការនាំចេញគ្រាប់ធញ្ញជាតិពីប្រទេសអ៊ុយក្រែននាពេលខាងមុខផងដែរ ព្រោះប៉ុន្មានថ្ងៃថ្មីៗនេះ អ៊ុយក្រែនកំពុងមានភាពតានតឹងជាមួយប្រទេសជិតខាង ដូចជាប៉ូឡូញ និងស្លូវ៉ាគី ដែលពួកគេសុទ្ធសឹងតែជាសមាជិកសហភាពអឺរ៉ុប តែចំពោះលទ្ធផលយ៉ាងណានោះ យើងត្រូវរង់ការសម្រេចចិត្តពីអង្គការពាណិជ្ជកម្មពិភពលោកជាមុនសិន។
