ភ្ញៀវទេសចរជនជាតិឥណ្ឌាបានធ្វើដំណើរទៅកាន់ម៉ាល់ឌីវ ច្រើនជាង 209,000 ទៅទៀតកាលពីក្នុងឆ្នាំ 2023 ដែលស្មើនឹង 11% ហើយក៏ជាតួរលេខមួយដែលដូចគ្នាទៅនឹង ភ្ញៀវទេសចរណ៍ជនជាតិរុស្សីដែរ។ ទន្ទឹមនឹងនោះ ចំនែកឯភ្ញៀវដែលមកពីប្រទេសចិនវិញ គឺនូវមិនឆ្ងាយពីតួរលេខខាងលើនេះប៉ុន្មានទេ ដោយក្នុងនោះចំនួនអ្នកមកទស្សនាកោះម៉ាល់ឌីវគឺមានចំនួន 187,118 ឬស្មើរនឹង 10% នៃចំនួនសរុប នេះបើយោងតាមការចុះផ្សាយរបស់ CNN កាលពីថ្ងៃទី ០៩ ខែមករា ឆ្នាំ២០២៤។
យ៉ាងណាមិញជុំវិញការលើកឡើងរបស់មន្ត្រីជាន់ខ្ពស់របស់ប្រទេសឥណ្ឌា បានសម្តែងការខឹងសម្បារចំពោះប្រជាជនរបស់ខ្លួនជាខ្លាំង ដោយការឈប់សម្រាកនៃជនជាតិឥណ្ឌាមួយចំនួន បានបង្ហោះរូបថតនៅលើប្រព័ន្ធផ្សព្វផ្សាយសង្គម ដែលបង្ហាញថាពួកគេបានទៅលេងនៅកោះម៉ាឌីវនោះ។
តើមានមូលហេតុអ្វីខ្លះដែលធ្វើឲ្យប្រទេសឥណ្ឌា លើកឡើងពីការប្រកាន់ពូជសាសន៍ ទៅលើប្រទេសម៉ាល់ឌីវ?
បើយោងទៅតាមគេហទំព័រទេសចរណ៍ក្នុងស្រុកនៃប្រទេសឥណ្ឌា EaseMyTrip បាននិយាយកាលពីថ្ងៃចន្ទថា ខ្លួនបានផ្អាកការកក់ជើងហោះហើរទៅកាន់ម៉ាល់ឌីវថែមទៀតផង។
បើយើងនិយាយពីសាច់រឿងខ្លះៗដែលទាក់ទងនឹងភាពល្អក់កររវាង ម៉ាឌីវ និងឥណ្ឌានោះ គឺបានកើតឡើងនៅពេលដែល ប្រធានាធិបតីម៉ាល់ឌីវ លោក Mohamed Muizzu ចាប់ផ្តើមដំណើរទស្សនកិច្ចរយៈពេលប្រាំថ្ងៃទៅកាន់ប្រទេសចិន បន្ទាប់ពីការឈ្នះឆ្នោតកាលពីខែតុលាឆ្នាំមុន។
លោក Muizzu ត្រូវបានគេស្គាល់ថា គឺជាមេដឹកនាំមួយរូបដែលប្រកាន់ជំហរគាំទ្រប្រទេសចិន ហើយក៏បានសន្យានឹងចិនថា ខ្លួននឹងបញ្ចប់គោលនយោបាយជាមួយនឹងប្រទេស “ឥណ្ឌាដំបូងគេ” នៅពេលដែលលោកបានចូលកាន់តំណែង។ ការឆ្លើយតបរបស់នាយករដ្ឋមន្ត្រីម៉ាឌីវ បានបញ្ជាក់យ៉ាងច្បាស់ណាស់ថា លោកគឺជាអ្នកដែលគាំទ្រទីក្រុងប៉េងកាំង ខណៈដែលទំនាក់ទំនងរវាងចិន និងឥណ្ឌាកំពុងតែមានភាពល្អក់ករនោះ។
នៅពេលដែល លោក Muizzu នឹងមានបំណងចង់រឹតចំណងមិត្តភាពជាមួយទីក្រុងប៉េកាំង តែប្រទេសមួយនេះក៏មានប្រជុំកោះតូចមួយចំនួនគឺស្ថិតនៅក្នុងមហាសមុទ្រឥណ្ឌាផងដែរ។ រាល់ប្រជុំកោះទាំងនោះគេបានសង្កេតឃើញថា មានផ្ទះរបស់មនុស្សប្រហែលកន្លះលាននាក់ មិនអាចមានលទ្ធភាពផ្តាច់ខ្លួនចេញពីឥណ្ឌានៅឡើយ។
ម៉ាល់ឌីវគឺជាប្រទេសមួយដែលពឹងផ្អែកខ្លាំងលើវិស័យទេសចរណ៍ ហើយប្រាក់ចំណូលមួយចំណែកធំនៃវិស័យទេសចរណ៍គឺបានមកពីប្រទេសឥណ្ឌា។ គួរបញ្ជាក់ថា កាលពីឆ្នាំមុនភ្ញៀវទេសចរណ៍ជនជាតិឥណ្ឌាគឺមានចំនួនច្រើនជាងគេលើពិភពលោក ដែលបានមកទស្សនាឆ្នេរត្រូពិចរបស់ខ្លួន នេះបើយោងតាមគេហទំព័រទេសចរណ៍របស់ម៉ាល់ឌីវ។
មានប្រភពមួយបានប្រាប់ CNN កាលពីថ្ងៃចន្ទថា គណៈកម្មាការជាន់ខ្ពស់ឥណ្ឌានៅម៉ាល់ឌីវ “បាន សម្តែងការព្រួយបារម្ភយ៉ាងខ្លាំង” ទៅកាន់ការិយាល័យការបរទេសម៉ាល់ឌីវ។
បើយោងតាមរយៈលោក Michael Kugelman នាយកវិទ្យាស្ថានអាស៊ីខាងត្បូង នៅមជ្ឈមណ្ឌល Wilson ក្នុងទីក្រុងវ៉ាស៊ីនតោន បាននិយាយថា សកម្មភាពរហ័សរបស់រដ្ឋាភិបាលម៉ាល់ឌីវ គឺបានបង្ហាញថា មេដឹកនាំថ្មីរូបនេះ គឺមិនបានមើលឃើញពីតម្លៃនៃទំនាក់ទំនងជាមួយនឹងឥណ្ឌានោះឡើយ។
លោកបានមានប្រសាសន៍ថា “នៅក្នុងជម្លោះដែលកំពុងតែកើតឡើងនៅរយៈពេលប៉ុន្មានថ្ងៃថ្មីៗនេះ បានបង្ហាញឲ្យយើងដឹងថា ការប្រកួតប្រជែងមួយចំនួននៅថ្ងៃខាងមុខ គឺវាមានជាប់ពាក់ព័ន្ធច្រើនទៅនឹង ប្រទេសឥណ្ឌា និងចិន។
ប៉ុន្តែនៅចុងបញ្ចប់ ថ្នាក់ដឹកនាំថ្មីនៅក្នុងប្រទេសម៉ាល់ឌីវ ក៏សោកស្តាយ ព្រោះខ្លួនមិនអាចគ្មានឥណ្ឌា” ។
លោកបាននិយាយទៀត រដ្ឋាភិបាលរបស់ម៉ាល់ឌីវ នឹងស្វែងរកការទំនាក់ទំនងមួយផ្សេងទៀត ដើម្បីឲ្យមានតុល្យភាពមួយ ទាំងឥណ្ឌា និងចិន ជាមិនខាន»។
