នៅទីបំផុតកប៉ាល់របស់ក្រុមហ៊ុន Eyos expeditions បានមកដល់សមុទ្រទឹកកកមួយ ដែលជាតំបន់ដែលមានផ្ទាំងទឹកកក A23a នៅទីនោះ កាលពីថ្ងៃអាទិត្យ គឺបន្ទាប់ពីមានការស្វែងរករូងភ្នំដ៏ធំមួយនេះអស់រយៈពេលជាច្រើនឆ្នាំ ។ ផ្ទាំងទឹកកក A23a វាគឺជា ផ្ទាំងទឹកកកដែល ដុះ ចេញពី Filchner-Ronne Ice Shelf កាលពីក្នុងឆ្នាំ 1986។ ហើយចំពោះផ្ទាំងទឹកកកមួយនះដែរ វាមានទំហំប្រហែល 3,900 គីឡូម៉ែត្រការ៉េ ដែលធ្វើឲ្យក្រុមអ្នកវិទ្យាសាស្ត្របានចាត់ទុកវាថា ជាផ្ទាំងទឹកកកដ៏ធំបំផុតនៅក្នុងពិភពលោក។
យ៉ាងណាមិញ បើទោះជាផ្ទាំងទឹកកកមួយនេះ បានកប់ក្នុងចុងសមុទ្រទឹកកកអង់តាក់ទិចនៃភាគខាងត្បូងយ៉ាងណាក្តី តែវាក៏នៅតែរងសម្ពាធដោយសារខ្យល់ និងក្តៅផងដែរ។ ហើយចំពោះសម្ពាធនៃបរិយាកាសទាំងនេះ វាក៏បានធ្វើឲ្យផ្ទៃទឹកទឹកកកតូចៗដែលហ៊ុំព័ទ្ធវា បានចាប់ផ្តើមរលាយបន្តិចម្តងៗ នៅទីបំផុតនោះផ្ទាំងទឹកកកយក្សមួយនេះវានឹងរលាយដូចគ្នាដែរ។
បើយោងតាមរយៈលោក Ian Strachan ដែលជាប្រធានបេសកកម្មបាននិយាយថា៖ «យើងបានឃើញរលកកម្ពស់ ៣ ម៉ែត្រឬ៤ម៉ែត្រ បានបោកបក់ចូលទៅក្នុងរូងភ្នំនៃផ្ទាំងទឹកកកយក្ស។
លោកបាននិយាយប្រាប់ BBC News ថា “បាតុភូតនៃធម្មជាតិទាំងនេះ វាកំពុងតែបង្ករឲ្យដុំទឹកកកនៅខាងត្បូងតំបន់ប៉ូលមានសំណឹក” ។ លោកបានមានប្រសាសន៍ទៀតថា អស់រយៈពេលជាង 30 ឆ្នាំមកហើយ ផ្ទាំងទឹកកកក្នុងតំបន់ប៉ូលទាំងអស់ វាត្រូវបានជាប់គាំងយ៉ាងរឹងមាំនៅក្នុងភក់បាតសមុទ្រ បន្ទាប់មកវាក៏បង្កើតបានជា “កោះទឹកកក” ដែលមានទំហំប្រហែល 4,000 គីឡូម៉ែត្រការ៉េ (1,500 ម៉ាយការ៉េ) ចំពោះទំហំនោះយើងអាចសន្និដ្ឋានបានថា វាមានទំហំធំជាងទីក្រុងឡុងដ៍រហូតដល់ទៅពីរដងឯណោះ។
ប៉ុន្តែបច្ចុប្បន្ន រាល់ដុំទឹកកកដែលនៅទីនោះ វាបានរសាត់ជារង្វង់ដូចទ្រនិចនាឡិកា ហើយចរន្តនោះទៀតសោតវាក៏បានទះទង្គិចនឹង A23a យ៉ាងធ្ងន់ធ្ងរ។ អ្នកវិទ្យារូបនេះបាននិយាយបន្ថែមទៀតថា ការរសាត់ជាប្រចាំបែបនេះ វាអាចធ្វើឲ្យ ភ្នំទឹកកកយក្ស នឹងចាកចេញពីទ្វីបមួយនេះថែមទៀតផង។
គួរបញ្ជាក់ថា កាលពីថ្ងៃអាទិត្យ ក្រុមអ្នកវិទ្យាសាស្ត្រ Eyos បានចូលទៅជិតផ្ទាំងទឹកកកយក្ស A23a ដើម្បីដាក់ដ្រុនទៅថតយកព័ត៌មានជាមុនសិន។ ហើយចំនែកកម្រងរូបភាព និងវីដេអូររបស់ ដ្រុន ត្រូវបាន លោក Richard Sidey បាននិយាយរៀបរាប់ថា “វាពិតជាអស្ចារ្យ និងស្រស់ស្អាតជាទីបំផុត” ។
“តែបើយោងតាមការថតពីផ្កាយរណបវិញ បានឲ្យដឹងទៀតថា ផ្ទាំងទឹកកកយក្ស វាមានទំហំធំខ្លាំង ជាមួយនឹងកម្ពស់ជាង 300m (980ft) និងមានទម្ងន់ប្រហែលមួយពាន់ពាន់លានតោន តែទំហំនេះវានឹងថយចុះពីមួយថ្ងៃទៅមួយថ្ងៃដោយសារតែវាបានរងសម្ពាធពី ខ្យល់ និងកម្តៅ។
