ប្រាក់ដុល្លារបានកើនឡើងច្រើនជាង 2% ចាប់តាំងពីការបោះឆ្នោតប្រធានាធិបតីសហរដ្ឋអាមេរិកកាលពីថ្ងៃទី 5 ខែវិច្ឆិកាកន្លងមក។ ក្រុមអ្នកជំនាញខាងសេដ្ឋកិច្ចជាច្រើនបានជឿជាក់ថា គោលនយោបាយរបស់លោក Trump អាចនឹងមានការកាត់បន្ថយអត្រាការប្រាក់នាពេលអនាគតថែមទៀតផង។
ស្របពេលជាមួយគ្នានេះដែរ ក្រុមការងាររបស់ CNBC បានមើលឃើញថា បច្ចុប្បន្នមានពាណិជ្ជករជាច្រើនកំពុងតែរង់ចាំការអនុវត្តន៍នូវអ្វីដែលជាយុទ្ធនាការរបស់ Trump ជាពិសេសលើការធ្វើកំណែទម្រង់ប្រមូលពន្ធលើការនាំចូល។
បើយោងតាមការរៀបរាប់ពីលោក Matt Simpson អ្នកវិភាគទីផ្សារជាន់ខ្ពស់នៅសន្ទស្សន៍ City Index បាននិយាយថា ឥឡូវនេះវាអាចនឹងពិបាកក្នុងការកាត់បន្ថយការប្រាក់ ព្រោះថាក្នុងនោះវាមានអ្នកវិនិយោគជាច្រើនកំពុងតែថ្លឹងថ្លែងអំពីលទ្ធភាពរបស់ខ្លួន។
ភាពមិនច្បាស់លាស់នៅក្នុងសេដ្ឋកិច្ចវានៅតែបន្តកើតមាន ដែលជាមូលហេតុធ្វើឲ្យវិនិយោគិនកាន់តែព្យាមយាមស្វែងរកនូវការចង្អុលបង្ហាញខ្លាំងជាងមុនទៅទៀត។ តែបើទោះជាយ៉ាងនេះក្តី អ្វីដែលធ្វើឲ្យក្រុមអ្នកវិនិយោគទាំងនោះកំពុងតែមានទំនុកចិត្តនៅពេលនេះ គឺការរក្សាទុកនៅប្រាក់ដុល្លា។
